Pơtơm tơdrong pơlong pơdah rup “Jơnap 'lơ̆ng ăn rim unh hnam” tơ̆ Đăk Lăk
Thứ hai, 14:52, 16/03/2026
VOV Tây Nguyên/Thuem tơblơ̆
VOV Tây Nguyên/Thuem tơblơ̆
VOV.Bahnar - Chơt hơ-iă kơ năr pôk rơih bơngai tang măt Kuô̆k hô̆i jăl 16 păng Hô̆i đŏng kon pơlei dôm jăl jang, sơnăm 2026-2031, tơ̆ Đường Sách Cà phê - phương Buôn Ma Thuột, Jơnŭm jang Văn hŏk Ngê̆ thươ̆t dêh char Đăk Lăk pơgơ̆r pơdah rup hăm hơnăn “Khei 3 lơ̆m inh”, atŭm hăm noh pơtơm Tơdrong pơlong pơdah rup “Jơnap 'lơ̆ng ăn rim unh hnam” sơnăm 2026.
Tơdrong pơdah akŏm đei hloh 100 tak phâm đơ̆ng rim bơngai phĭn rup lơ̆m dêh char, akŏm pơdah lơ tơdrong đei ƀôh lơ̆m tơdrong arih jang xa, tơƀôh gah tơdrong 'lơ̆ng kơ cham char, kon bơngai păng joh ayŏ Đăk Lăk. Kiơ̆ đơ̆ng noh tơgop pơlan să đon 'mêm băt păng tơƀôh um rup kơ tơring.
Kiơ̆ kơ yă Niê Thanh Mai, Kơdră Jơnŭm jang Văn hŏk Ngê̆ thươ̆t dêh char Đăk Lăk, tơdrong pơdah adoi jĭ 'măng pơtơm kơ tơdrong pơdah rup joh ayŏ tơ̆ Đường Sách Cà phê Buôn Ma Thuột, gô vă pơih 'măng hơnơ̆ng, akŏm pơdah lơ um rup ăn kon pơlei păng rim bơngai 'mêm băt kơ tơdrong joh ayŏ.
Viết bình luận