Kiơ̆ đơ̆ng lơ vŏng chăm hơlen, Anih pơgơ̆r hơpăh 4 yaih pơčhơp jơhngâm păng 1 yaih như̆k. Yaih như̆k âu jei kơ mŏ Hoàng Thị Thu Thảo, tơ̆ plt Đà Nẵng. Logo đei chih, pơm hơmet hăm chư chih nơ̆r tôch hơiă, iŏk hnam kơjung pơm tơm, tơƀôh ăn tơdrong juăt ‘lơ̆ng tơ̆ Tây Nguyên, tơklep kơjăp hăm tơdrong arih xa tơpôl, mât 1 ƀơ̆r đon păng ƀĕnh ƀĕnh tơdrong juăt ‘lơ̆ng đơ̆ng dôm hơdrĕch kon kông arih xa đunh đai tơ̆ Đắk Lắk. Tơmam đei rơih pơm Logo tơpă vă roi tơƀôh hơnăn tơmam ăn dêh char. Tơ̆ âu, kơdră chĕp kơ̆l dêh char Đắk Lắk pơm lêh roi tơbăt Logo tơpă kơ dêh char. Tơƀôh ăn đon hơmĕng vang tơgop roi tơbăt um rup, tơdrong juăt, jŏh ayŏ kơ dŏ xoang păng đon hơpơi ‘mĕh jang tŏk đơ̆ng tơring lơ̆m chăl ‘nao.