VOV4.Bahnar – Kơmăng năr 16/2, Jơnŭm jang Ƀăo dêh char Kon Tum pơtơm Akŏm ƀăo Puih mak Giáp Thìn sơnăm 2024. Tơdrong akŏm đei pơgơ̆r tơ̆ Anih Pơdah tơmam drăm so dêh char Kon Tum truh đĭ năr 19/2.

VOV4.Bahnar - ’Năr 15/2, tơ̆ xăh Cư Prông, Anih vei lăng kon pơlei apŭng Ea Kar, dêh char Đắk Lắk pơih pơgơ̆r Năr joh ayŏ kơ dŏ xoang dôm hơdrĕch kon kông apŭng Ea Kar ‘măng mă III.

VOV4.Bahnar – Kơsơ̆ năr 14/2 (dang ah năr 5 têt), pơlei tơm Đà Lạt (Lâm Đồng) pơtoi hơvơn lơ tơmoi truh tơmang lăng, pơdơh pơdei. Hơtŏk kơsô̆ tơmoi truh tơmang lơ̆m puih mak Giáp Thìn 2024 âu tŏk jê̆ 62% pơtêng hăm khei năr âu sơnăm sơ̆.

VOV4.Bahnar - Đắk Nông jĭ tơring teh đei tơdrong jŏh ayŏ kơ dŏ xoang ‘lơ̆ng hơiă đơ̆ng sơ̆, đei plenh tĕh pơsư̆ ăn lơ anih cham char ‘lơ̆ng rŏ hlôi đei UNESCO chih tơbăt jĭ Groi tĕh kăp gĭt lơ̆m plei teh. Dôm tơdrong ‘lơ̆ng âu tŏk bŏk đei dêh char Đắk Nông iŏk yoa vă pơ ‘nhŏ ăn tơdrong jang atŏk tơiung mŭk drăm, tơpôl pran kơjăp ‘lơ̆ng.

VOV4.Bahnar - Pơyan pơchơt kơ Puih mak truh đơ̆ng bơngai Tây Nguyên, “Tơdrong et jur xa ƀa ‘nao” hơnơ̆ng đei kon pơlei Tây Nguyên pơgơ̆r đơ̆ng rŏng kơ pơyan kĕch yoă, sơng sơnăm. Ƀlep ƀât pơyan ‘nâu, rim unh hnam kĕch yoă, pŭ tăh ƀa lơ̆m pơk, lơ̆m kŭ păng soi ăn kơ yang hri, yang plenh yang teh, soi kơ yă ƀok sơ̆ hlôi pring vei, tơjur ăn 1 pơyan ƀa đei iŏk yoa lơ păng apinh yang tơjur ăn 1 pơyan ‘nao ƀa ƀĕnh kơ pơk. ‘Nâu jĭ pơyan et xa, soi kơ yang pơ ‘nhang hơdrĕ tôch chơt, jĭ pơyan tôn chĭng hơyŭn xoang tôch hơiă, jĭ pơyan chă pơyô, gô băl vă pơm unh om chom gŏ đơ̆ng đe druh dăm. Pơyan đĭ đăng tơpôl pơdơ̆h ngôi, jĭ pơyan Têt kơ bơngai Tây Nguyên”.

VOV4.Bahnar – Hơtŏk tơmang pơhiơ̆ pơlei pơla athei tơguăt hăm tơdrong joh ayŏ kon kông tơ̆ tơring. Kơyuơ noh, dôm sơnăm kơ âu, dêh char Gia Lai khŏm mă hơmet dôm tơdrong jang juăt jue kơ kon pơlei kon kông, tơguăt hăm tơdrong hơrih rim năr kơ kon pơlei nhen tanh brong jak, tanh brai. Vă trŏ hăm tơdrong hơrih kơ chăl pơkăp kơsô̆, tơdrong jang juăt jue athei hơbĕch hơbal pơtrŏ hơgei.

VOV4.Bahnar - Pơma dơnuh hăm yă Mlop, pơlei Brer Dôr 1, tơring G'Lar, apŭng Đak Đoa, dêh char Gia lai găh dui brai vai tanh khăn.

VOV4.Bahnar – Đei tơdrong tơgŭm đơ̆ng đảng păng Teh đak, kon pơlei kon kông Tây Nguyên hơnơ̆ng băt hơdah gah tơdrong vei răk tơƀăk mong joh ayŏ kăp gĭt. Têt Nguyên đan adoi jing ‘măng kon pơlei pơtơm pơgơ̆r tơdrong et xa kiơ̆ khôi juăt kơ hơdrung hơdrĕch po.

VOV4.Bahnar - ‘Nhŏng Đinh A Ngưi (bơngai Bahnar) – kăn ƀô̆ jang tơ̆ Anih joh ayŏ kơdŏ soang, tơplŏng kơdâu tơ̆ apŭng K’bang, dêh char Gia Lai – Tơ ‘ngla “Homestay A Ngưi” jĭ bơngai tôch rơgei, băt trong jang xa, iŏk yoa tơmam jŏh ayŏ kơ dŏ xoang vă pơm Homestay atŏk tơiung chă tơmang lang. Nơ̆r pơma nuh tơ̆ hơla âu tơƀôh hơdăh tơdrong ‘nâu:

VOV4.Bahnar - Pơgê (4/2), tơ̆ Cham xă 10/3, Khul chih pơđơ̆k Đắk Lắk păng Anih vei lăng kon pơlei plt Buôn Ma Thuột jang hơdoi pơgơ̆r tơdrong hơri hơxoang, tôn chĭng chêng plt Buôn Ma Thuột păng pơdă um rup, chư chih hơiă kơ Pơyan Puih mak Giáp Thìn 2024.