VOV4.Bahnar - Tơ̆ Hnam thi tơplŏng kơdâu dêh char Đắk Lắk tơ̆ plt Buôn Ma Thuột, Anih vei lăng kon pơlei dêh char Đắk Lắk ‘nao jang hơdoi hăm Anih tơm vei lăng pơtho pơhrăm pơgơ̆r tơdrong thi “Tơplŏng kơdâu ăn hŏk tro lơ̆m teh đak ‘măng mă X, tơring IV sơnăm 2024.

VOV4.Bahnar – Hăm dôm hơdrung bơngai kon kông Tây Nguyên, tơdrong hơ-‘mon ‘noh jing um ai kơ tơdrong joh ayŏ, akŏm lơ tơdrong lơ̆m jơhnơr hơrih adoi nhen dôm tơdrong hlôh vao lơ̆m hơrih jang xa đơ̆ng kră sơ̆. Rim tơdrong hơ-‘mon adoi đei um ai joh ayŏ, nhen tơdra nuih mơng kơ tơdrong hơrih kon pơlei tơ̆ tơring bri kơdrơ̆ng, ang bang đơ̆ng kơ rơbâu sơnăm kơ hnưr hơrih. Ưh kơsĭ tơdrong hơ-‘mon Tây Nguyên kơdih đei lăng jĭ pơhngol, jing kơsơ̆p “hla bar răk gĭt” kơ kon pơlei Tây Nguyên.

VOV4.Bahnar – Hăm kon pơlei Tây Nguyên, lơ̆m tơdrong et xa, soi plang kơ pơlei pơla, ‘nguaih kơ jơva chĭng chêng, ge tơdrô ƀâu phu tru hŭt, noh ưh gơh kơƀah gơ̆ng. Lơ̆m dôm tơdrong et soi kơ pơlei pơla, gơ̆ng jĭ kăp gĭt hloh. Um pơrŏ, ‘long tơ-iung gơ̆ng tơƀôh tơdrong et xa tih dah mă iĕ. Gơ̆ng jĭ um pơtih ăn đon lui tơroh plenh – teh, kon bơngai – yă ƀok dơnơm mă lei rim hơdrung bơngai đei dôm tơdrong pơrŏ kăp gĭt phara kơdih.

VOV4.Bahnar - Dêh char Lâm Đồng tŏk bŏk tơlĕch jang tơdrong jang hơmet ăn pơgơ̆r Giĕng lêh măih Tơmang lăng Lâm Đồng ‘măng mă 3 sơnăm 2024 vă sơng đei tơmoi tơmang lăng.

VOV4.Bahnar - Tơ̆ rim dêh char tơring Tây Nguyên, mưh truh jơ ‘năr pơgơ̆r Soi yôp Ƀok dơnơm Hùng Vương - Năr Mơjĭt khei pêng, mă đơ̆ng ưh kơ chôt vih tơ̆ groi teh Phú Thọ soh hlôt nhang tơ̆ Đền Hùng, mă lei rim kon pơlei tơ̆ au jei gơ̆h chă soh hlôt nhang, soi tơveh, ƀlok hơdơ̆r truh tơdrong tơgop tih têh đơ̆ng Ƀok tơm dơnơm. ‘Ngoăih dôm hơnih soi tơbeh Ƀok pơtao Hùng đei ming man, lơ hnam soi tơbeh joăt joe, mĭnh ƀar hơnih tơmang pơhiơ̆, jei hlôi pơjing đei hơnih ‘lơ̆ng rŏ ăn kon hơ ‘lơ̆p teh đak Việt chă pơgơ̆r soi tơbeh ăn mĕ ƀă yă ƀok kơdih.

VOV4.bahnar - Tơ̆ Hơnih gru gra gĭt kăl dăr sơnăm Hơnih soi tơbeh Hùng (pơlei tơm Việt Trì, dêh char Phú Thọ) hlôi pơgơ̆r Pơm lêh Hơnih soi tơbeh Hùng păng Giĕng Joh ayŏ kơdŏ soang-Tơmang pơhiơ̆ Groi teh Ƀok dơnơm sơnăm Giáp Thìn 2024.

VOV4.Bahnar - Lơ̆m tơdrong pơgơ̆r Soi yôk Ƀok dơnơm Hùng Vương sơnăm 2024 hlôi đei pơgơ̆r tơ̆ pơlei tơm Việt Trì, dêh char Phú Thọ.

VOV4.Bahnar - Hơnih vei lăng Joh ayŏ kơdŏ soang, Đă ƀŏng lŏng tơplŏng kơdau păng tơmang pơhiơ̆ Lâm Đồng tŏk bŏk hơdrin iung jang hơdoi hăm rim hơnih bơ̆ jang kơpal dăr lăng, lăng hơlen tơdrong tơmơ̆t jên jang păng tơdrong jang mơdro sa ưh kơ ƀlep tơdrong kơ tơdrong vă jang Hơnih pơchơt pơhiơ̆ ‘lơ̆ng Đà Lạt.

VOV4.Bahnar – Pơgê ‘năr brei (17/4), tơ̆ dêh char Hà Tĩnh pơgơ̆r lêh akŏm Tơbăt 120 sơnăm năr rơneh ƀok Trần Phú - Tổng Bí thư mă blŭng kơ Đảng (01/5/1904 - 01/5/2024).

VOV4.Bahnar – Atŭm hăm jơ̆p teh đak, kon pơlei kon kông tơ̆ Tây Nguyên adoi chơt hơ-iă hăm dôm năr lêh kăp gĭt kơ teh đak, vang năm akŏm dôm tơdrong jang Soi Yôk Ƀok Dơnơm Hùng Vương, atŭm hăm noh tơbang hơdah dôm tơdrong akŏm joh ayŏ kăp gĭt kơ rim hơdrung bơngai.