Pơih pơgơ̆r Năr Kơsơ̆p hla ar păng tơdrong Juăt chă đŏk hla ar dêh char Đắk Lắk ‘măng mă 4
Thứ sáu, 10:40, 18/04/2025
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV4.Bahnar - Hăm hơnăn “Kŭm hăm kơsơ̆p hla ar yak mât lơ̆m chăl jang tŏk đơ̆ng hơdrĕch hơdrung”, Năr Kơsơ̆p hla ar păng tơdrong juăt đŏk hla ar kơ dêh char Đắk Lắk ‘măng mă 4 đei pơgơ̆r pơgê ‘năr 17/4.
Tơdrong ‘nâu pơgơ̆r truh đĭ ‘năr 20/4, đei lơ tơdrong tôch hơiă nhen pơdă kơsơ̆p hla ar kiơ̆ hơnăn, pơma nuh hăm bơngai chih, pơma đam, roi tơbăt kơsơ̆p hla ar, ming pơdă rup, tơmam STEM, hơlen năng kơmăy chă đŏk kơsơ̆p hla ar 4.0, gre chơ pơtruh hla ar đŏk…
Năr âu đei 20 anih jang păng anih tĕch mơdro lơ̆m păng ‘ngoăih kơ dêh char vang akŏm, hăm đĭ đăng kơsơ̆p hla ar đei kơjă vă jê̆ 130 triu hlak jên ăn dôm Hnam trưng tơ̆ plt Buôn Ma Thuột, apŭng Buôn Đôn păng Lắk. Ƀlep ƀât ‘măng mă âu, oei pơgơ̆r hloi tơdrong thi Bơngai tang măt găh tơdrong chă đŏk Hla ar kơ dêh char Đắk Lắk sơnăm 2025, vă tưk tơiung tơdrong chă đŏk hla ar, pơjing tơdrong juăt đŏk hla ar ăn hŏk tro, sinh viên tơ̆ dêh char.
Viết bình luận