Kiơ̆ kơ noh pơm trong ăn dêh char pơtoi hơtŏk pran dôm tơdrong jang, tơbang hloh dơ̆ng kơjă mŭk drăm joh ayŏ juăt jue kơ kon pơlei tơ̆ tơring. Lơ̆m Jăl 1 sơnăm ou, dêh char Đăk Lăk hlôi sơng 700 rơbou 'nu tơmoi truh tơmang, lơ̆m noh đei hloh 16.500 tơmoi đơ̆ng teh đak đe. Đei yua đơ̆ng jang tơmang pơhiơ̆ noh hloh 600 tih hlj, tŏk hloh 2 'măng pơtêng hăm khei năr ou sơnăm sơ̆. Anih hơdah hloh hăm tơdrong jang tơmang pơhiơ̆ tơ̆ tơring lơ̆m khei năr ou ki noh Lêh akŏm kaphê păng tơdrong akŏm tơbăt 50 sơnăm tơblah jơnei Buôn Ma Thuột, tơblah jơnei dêh char Đăk Lăk.

Pơtoi kơ tơdrong đei jơnei, Đăk Lăk pơtoi tơlĕch lơ tơdrong jang tơbang tơmang pơhiơ̆; pơtoi dôm tơdrong akŏm pơdah chĭng chêng sơkơ̆t 2 'măng minh khei, pơgơ̆r dôm tơdrong tơplŏng kơdou lơ̆m tơring păng jơ̆p teh đak, hơdrin pơm 'nao dôm tơmam drăm tơmang pơhiơ̆.