VOV4.Bahnar – Minh tơdrong jang kăp gĭt kơyuơ cham char ‘lơ̆ng ‘nao đei pơgơ̆r ah pơgê năr 23/2 tơ̆ pơlei tơm Buôn Ma Thuột, dêh char Đăk Lăk. Tơ̆ Đường săch kaphê Buôn Ma Thuột, đei Anih jang đoan pơlei tơm Buôn Ma Thuột jang atŭm hăm anih tơgŭm jang pơgơ̆r Tơdrong akŏm Năr pơm jang kơyuơ cham char rơgoh păng tơbang “Anih akŏm pin so – tơplih pin iŏk săch, sen đă”.

VOV4.Bahnar - Ƀlep ƀât blŭng pơyan Puih mak ‘nao, tơ̆ lơ tơring lơ̆m dêh char Đắk Lắk pơgơ̆r lơ tơdrong joh ayŏ kơ dŏ xoang, et soi kơ dôm hơdrĕch hơdrung, pơjing đei lơ tơdrong juăt jŏh ayŏ ‘lơ̆ng hơiă tơ̆ tơring tĕh Tŏk bŏk Tây Nguyên.

VOV4.Bahnar - Anih vei lăng kon pơlei Đắk Lắk ‘nao pơgơ̆r hop akŏm tơlĕch dôm tơdrong jang năm truh ‘măng tơbăt 120 sơnăm năr pơjing dêh char Đắk Lắk (22/11/1904 - 22/11/2024).

VOV4.Bahnar - Kơbăt dôm jơhnơr '‘nâu, tơdăh bơngai Tây Nguyên đei rơnĕh păng arih xa truh ‘lŏ tơ̆ tơring teh gĭt kăl âu rŏ năng bu bu kŭm đei ƀĕnh jơhngâm đon 'mêm kơ bri 'long. Yoa thoi nŏh, ưh kơ đei bơngai bu chrih, kơbăt dôm yơ khei 'năr dăr sơnăm, hăm lơ tơdrong kŏh phă bri, bri 'long roi đunh roi tŏ sĕt, mă lei tơ̆ yơ đei pơlei bơngai Rađe, tơ̆ nŏh oei đei bri 'long kơdrơ̆ng, đei đak hơdrơ̆m rơngơp 'lơ̆ng. Tơdrong arih xa kơ bơngai Rađe tơklep kơjăp hăm bri, mât hơdai hăm bri, rim tơdrong lơ̆m pơlei, đơ̆ng tơmam truh jơhngâm đon tơtă đơ̆ng bri ngăl. Bri pring vei ăn pơlei pơla păng pơjing đon arih xa băt lui yom kơ yang.

VOV4.Bahnar - Pơgê 20/2, Anih jang Đảng dêh char, Jơnŭm pơgơ̆r kon pơlei, Anih jang Mặt trận tổ quốc Việt Nam dêh char Dak Lak pơgơ̆r tơdrong jang tơƀơ̆p muh măt 250 ‘nu bơngai tang măt ăn tơpôl hŏk jrŭ, bơngai joh ayŏ kơdŏ soang păng bơngai chih hla ar kơtơ̆ng ang lơ̆m dêh char pơyan puih mak Giáp Thìn 2024.

VOV4.Bahnar – Pơgê ‘năr brei 19/2 (dang ah năr 10, khei Mônh, sơnăm Giáp Thìn), Lêh hơkŭm puih mak Yên Tử đei pơtơm tơ̆ pơlei tơm Uông Bí, dêh char Quảng Ninh.

VOV4.Bahnar - Pơgê brei (18/2), tơ̆ Trong Sơ̆p hlabơar Chĕh phe Buôn Ma Thuột (dêh char Đắk Lắk) pơgơ̆r pơdă um rup Buôn Ma Thuột sơ̆ in tơƀôh tơ̆ tơm chĕh phe. Kiơ̆ đơ̆ng noh roi tơƀôh ăn lơ bơngai um rup kăp gĭt găh tơring teh Buôn Ma Thuột đơ̆ng chăl sơnăm 60- 70 sơ̆.

VOV4.Bahnar – Đei rơneh păng tih vơ̆ lơ̆m minh unh hnam kơjăp hăm joh ayŏ kon kông đơ̆ng oei ‘lâ̆p, Ngê̆ nhơ̆n A Lip, (bơngai Ba Na, oei tơ̆ thôn Groi, xah Glar, apŭng Đak Đoa, Gia Lai) hlôi băt pơdreh chĭng chêng, pơm brŏ, chrah mul meo păng hơmet chêng. Mă sơnăm hlôi ‘lŏ, ƀok adoi oei hăt hot rim năr chă akŏm pơtho pơdreh chĭng chêng, tơdra kon kông ăn đe mơlôh. Kiơ̆ kơ noh, tơgop vei răk tơƀăk mong mŭk drăm chĭng chêng, tơdrong joh ayŏ ‘lơ̆ng rŏ kơ kon pơlei Bahnar.

VOV4.Bahnar - Plei Ako Dhong, jĭ plei Rađe tôch ‘lơ̆ng hơiă lơ̆m plt Buôn Ma Thuột, dêh char Đăk Lăk oei hnam Arul House ‘nŏh jĭ hnam kơjung-pơvih ăn kơ đe truh ngôi-Anih ‘măn răk tơdrong jŏh ayŏ kơ dŏ xoang Rađe tôch hơiă tơ̆ plei Ako Dhong. Tơ̆ âu, đei ƀôh hloi khei ‘năr chăl adrol sơ̆, đei hloi cham char ‘lơ̆ng rŏ đơ̆ng bri kông păng tơdrong arih xa tôch hơiă đơ̆ng bơngai Rađe. Truh hăm Ako Dhong ‘nŏh jĭ tơdrong tơƀâp păng mât hơdai đơ̆ng dôm bơngai hưch ‘mêm kơ tơdrong jŏh ayŏ kơ dŏ xoang Tây Nguyên.

VOV4.Bahnar - Dôm năr au tơ̆ rim tơring lơ̆m dêh char Dak Lăk tŏk bŏk pơgơ̆r lơ tơdrong joh ayŏ kơdŏ soang, kơ̆m kang kơnang giĕng kơ rim hơdrĕch hơdrung, pơjing đei tơdrong ‘lơ̆ng rŏ lơ̆m groi teh tŏk bŏk tơring Tây Nguyên.