VOV4.Bahnar - Kơsơ̆ 28/12, tơ̆ xăh Hòa Phú, pơlei tơm Buôn Ma Thuột, Anih vei lăng găh joh ayŏ, Tơplŏng kơdâu păng Tơmang lăng Dak Lak pơgơ̆r lêh tơƀôh muh măt kâu lak ƀô̆ păng pơtôch lăm pơtho joh ayŏ kră sơ̆ bơngai Thái.

VOV4.Bahnar -204 ŭnh hnam bơngai Xơ Đăng Hà Lăng tơ̆ plei Đăk Đe, xăh sơlam  Rờ Kơi, apŭng Sa Thầy dêh char Kon Tum chơt hơiă pơgơ̆r Et sat chơt hơiă kơ Rông ‘nao.

VOV4.Bahnar – Hơnơ̆ng truh ah khei 11, khei 12 dương lĭch rim sơnăm, kon pơlei kon kông tơ̆ tơring Tây Nguyên, lơ̆m noh đei bơngai Xơ Đăng tơ̆ dêh char Kon Tum, gô pơgơ̆r tơdrong et xa pôk bơnê kơ yang hơpang, vă apinh asong ăn tơdrong pŭn ai, sơđơ̆ng ăn kon pơlei, ăn rim unh hnam. Et ming tơnglang đak dah mă oei krao et soi hơdrơ̆m đak jing minh lơ̆m dôm tơdrong et xa hăm tơdrong kăl noh.

VOV4.Bahnar - Pơgê năr 22/12, Thủ tướng Phạm Minh Chính pơm tơm Hop akŏm lơ̆m teh đak găh Atŏk tơ iung rim Hơnih jang găh joh ayŏ oei sa Việt Nam. ‘Nau jĭ Hop akŏm mă blŭng păng tôch gĭt kăl găh atŏk tơ iung Hơnih jang joh ayŏ oei sa Việt Nam.  

VOV4.Bahnar - Ƀlep ƀât tơbăt 79 sơnăm Năr pơjing Khul linh kon pơlei Việt Nam (22/12) păng 72 sơnăm Năr chih čhơ̆ Việt Nam (10/12), tơ̆ Hà Nội đei pơgơ̆r pơdă rup hăm hơnăn “Yak hơdoi hăm khul linh”. Hăm 66 tŏ rup ‘lơ̆ng hlŏh, hơnhăk ba ăn bơngai lăng lơ tơdrong tơroi tôch hơiă păng kăp gĭt găh đe kăn ƀô̆, linh lơ̆m khul linh kon pơlei, công an kon pơlei lơ̆m khei ‘năr tơblăh sơ̆ kŭm nhen chăl ‘nao hrei ‘nâu. 

VOV4.Bahnar – Bơngai Mnông Rlăm tơ̆ xah Yang Tao, apŭng Lăk, dêh char Dak Lak dang ei oei vei răk tơƀăk mong tơdrong pơm lơ̆m kră sơ̆ kăp gĭt. Tơdrong kăp gĭt tơ̆ âu noh ngê̆ nhơ̆n ưh đei yua kơƀang dăr, mă hơdrô̆ man hăm ti, pơjing um ai tơmam drăm păng ƀuh pơsĭn. Hăm tơdrong pơm phara âu hlôi đei răk vei kơ hrĕng sơnăm, pơjing đei tơmam drăm lơ̆n kăp gĭt, đei lơ bơngai tơrĕk truh păng jing hloi tơmam drăm tơmang pơhiơ̆ ăn kơ tơring.

VOV4.Bahnar - Hăm tơdrong tơm chĕp vei, pôk pơ ư, roi tơƀôh dôm tơmam sa joăt joe kơ bơngai Xơ Đăng păng pơtrŭt tơmang lăng, kơsơ̆ brei (7/12), Anih vei lăng kon pơlei apŭng Tu Mơ Rông, dêh char Kon Tum ‘măng mă blŭng pơgơ̆r “Tơdrong pơlong tơmam sa pơgang hla ‘long - tơmam ‘lơ̆ng rŏ bri kông Ngọc Linh”.

VOV4.Bahnar - Pơgê brei 5/12, tơ̆ Cham xă Đại Đoàn Kết, plt Pleiku, Anih vei lăng kon pơlei dêh char Gia Lai pơgơ̆r tơdrong “’Lơ̆ng rŏ tơring Tây Nguyên-Gia Lai”.

VOV4.Bahnar – Giĕng joh ayŏ - tơmang pơhiơ̆ Điện Biên păng rim dêh char Tây Bắc tơ̆ pơlei tơm HCM hlôi pơtơm ah kơmăng ‘năr brei hăm lơ tơdrong akŏm joh ayŏ, tơroi kơ hnưr hơrih, tơmang pơhiơ̆, ƀrông ƀrang hăm lơ um ai ‘lơ̆ng rŏ.

VOV4.Bahnar - Xah Tú An jing minh lơ̆m dôm xah đei jơnei hơlâu tơchơ̆t tơring tơrang ‘nao tơ̆ thĭ xah An Khê, dêh char Gia Lai. Tơdrong hơrih ‘nao, mă lei tơdrong joh ayŏ kăp gĭt kơ kon pơlei Bahnar tơ̆ âu adoi đei vei răk tơƀăk mong. Đe ngê̆ nhơ̆n kơ kâu lak ƀô̆ tanh brai Tú An hlôi tơgop hơtŏk tơdrong tanh brai kơ kon pơlei Bahnar. Lơ̆m noh đei yă Đinh Thị Hà tơ̆ pơlei Pơnang.