Vang truh hăm dôm tơdrong pơchơt tơ̆ Cham xă 1/4, plt Tuy Hòa, dêh char Phú Yên, Anih vei lăng jŏh ayŏ kơ dŏ xoang, tơplŏng kơdâu păng chă tơmang lăng dêh char Đắk Lắk pơgơ̆r lơ tơdrong joh hơri hơxoang, roi tơbăt tơdrong jang so tanh brai, vai khăn kơ bơngai Rađe, pơm bô̆i kơ bơngai Mnông. Tôn reh, hơri brông, hơxoang păng hơri dôm ƀai pơ ư kơ groi teh, kon bơngai Đắk Lắk. Roi tơbăt “Đon hlôh vao găh pơtăm păng hơdrĕng ot chĕh phe Đắk Lắk”, truh lăng đe pha păng huch đĕch chĕh phe. Pơgơ̆r mini game, hơpăh lơ kơphĭu tour, trong chă tơmang lăng Đắk Lắk.

Ƀok Lại Đức Đại, Phŏ Kơdră Anih vei lăng jŏh ayŏ kơ dŏ xoang, Tơplŏng kơdâu păng chă tơmang lăng Đắk Lắk ăn tơbăt, Dôm tơdrong roi tơbăt, tơguăt trong chă tơmang lăng đơ̆ng Đắk Lắk păng Phú Yên đei tơlĕch hrôih, vă pơm pơ ‘lơ̆ng hlŏh dơ̆ng tơdrong pơgơ̆r tơbăt 50 sơnăm tơblăh iŏk rơngei đĭ đăng tơring Pơbăh, pơjing đei 1 teh đak kơjăp ‘lơ̆ng; tơgop pơm hơtŏk tơdrong chă tơmang lăng, năm truh đon pơhnŏng jang tŏk mŭk drăm tŏk hlŏh 8% nhen hlôi tơlĕch.