Pathau mikva saong grauk ayut! Ong Võ Văn Trưng daok di xã Bình Thành, huyện Phụng Hiệp, tỉnh Hậu Giang lac urang nong hu rilo saneng duah bahrau dalam bruk ngak nong, dalam nan njauk ndom tal di abih lac bruk raong danko piah njuk bingu phun tamun dưa lưới brei tabiak baoh, patagok jien mek tame ka baoh sang.

Dom thun jiak di ni, bruk ngak nong hữu cơ jeng sa jalan nao dalam bruk ngak nong, tuk camereip ngak tabiak dom pandap hu rilo urang pandar jia tame, palih ruah. Kadha : “Urang ngak hamu cong thau” harei ni, khol hulin yaih khan dom bruk ngak nong hữu cơ di tỉnh BR-VT tapa kadha vak di Kim Hồng angaok mbao BR-VT piah mik va duah thau :

Sa-ai Nguyễn Hồng Khương, lac Bí thư Chi đoàn labik Hòa Thạnh B, phường Thới Hòa, quận Ô Môn, Cần Thơ. Meng takre bac megru, tari tareng duah thau bo sa-ai ngak hu bruk raong bao darang juk pablei ralow saong bao darang juk mebaoh. Jak jeng di bruk ngak ini hu daong ka sang sa-ai hu jien mek tame rilo jang, saong tapa nan hu peih tabiak jalan nao bahrau ka bruk ngak mbang kinh tế di dam dara dalam palei.

Kayua biak siam ka prein yava, ia tasau pabe urak ni daok hu manuac sia biak takre. Gam tui nan, dalam rilo thun tapa yaom pabe ralaow jeng biak tanat ba mai kien laba ka urang raong pabe. Patagok prein khang hu blaoh, tỉnh Kon Tum daok cak rok patagok khang bruk raong pabe mek ia tasau, peih tabiak jalan nao bahrau ka gah raong glang di tỉnh.

Daok di pulao An Hòa, xã An Nhơn, huyện Châu Thành, tỉnh Đồng Tháp, ong Phạm Hữu Hiện (daok ieu lac Út Hiện) danei angan lac khin sahaneng, khin ngak, hu rilo rik daong ka gah ngak nong di palei, abih di nyu lac duah pajaih darang pabak hatai caong di darak pasar, baoh pahe yamen bingi, hacih sa-at.

Piah langyah ka bruk kurang ia pala drak di bilan pandiak , rilo boh sang urang nong di tỉnh Ninh Thuận hu buh jien tabiak ngak, pandar ilamu pruh ia patak pataom di dom janih phun pala karei di gauk piah pasiam bruk kurang ia, dong patagok siam lagaih bruk pala drak dalam bilan pandiak. Dalam tỉnh Ninh Thuận urak ni hu labaih 1.500ha taneh pala drak dalam nan hu phun nho, medar, tabau, kanduik , kruac bung, panak, njam patam, hareik rong limo pandar ilamu pruh ia patak pataom. Kadha : Urang ngak hamu cong thau harei ni, daa mik va song tong abih gauk duah thau ka ilamu pruh ia patak patom dok hu rilo urang nong di tỉnh Ninh Thuận ngak tui:

Dalam tuk bruk hacih sa-at siam mekre pandap mbang menyum daok hu rilo urang blei pandar sangka yau urak ini, bruk ngak tabiak pandap panda hacih sa-at daok hu rilo mikva urang nong grauk labik dalam negar sangka tal. Baoh medar hijao lac sa dalam 12 janih pandap di tỉnh Ninh Thuận, baoh racam, pahe hu rilo urang takre blei.

Rilo thun tapa, sa-ai Ngô Thị Thanh Nhàn daok di pulao Ông Hổ (xã Mỹ Hòa Hưng, ban sit Long Xuyên, t.An Giang) daneiy angan haong bruk pala njam dalam aia di sang halăm brei jien mek tame glaong. Meng bruk pala njam piah mbang yaok harei di baoh sang, urak ini njam hacih di sa-ai hu mbaok dalam rilo siêu thị pak An Giang.

Dahlau di ini 10 thun, dua adei saai Ngô Văn Quỳnh saong Ngô Văn Cường daok di palei 3, xã Lộc Tân, Bảo Lộc, tỉnh Lâm Đồng brei tak klaak meneing phun caphe piah salih tapa pala bimao tangi tikuk caong khin duah jien tame ka baoh sang. Jak jeng di bruk ngak nan hu ba jien tame rilo saong tani tanat yaok thun ka sang sa-ai Quỳnh saong sa-ai Cường bo daok ba bruk ngak ka yaok pluh urang dalam palei.

Anak bruk pandiak bhang, njom mbak rah tabiak khang, kurang ia taba piah pala drak, rilo urang nong di tỉnh Bạc Liêu hu peih bruk pruh pasah thu pablak gauk dalam bilan padai Đông xuân thun ni. Dut song jalan pala drak meng kan, jalan ngak ni oh lac patak pataom hu ia, bo dok dong ka urang nong trun hu rilo jien dalam bruk ngak padai , meng nan tagok jien mek tame. Daa mik va song tong abih gauk pang yaih khan ka jalan ngak ni tapa kadha vak di Tấn Phong- urang vak di rayo sap ndom VN daok di ĐBSCL.