Piah patagok kinh tế, tagok jien mek tame, paglaong rai duik ka urang nong, , dom thun tapa xã Hòa Sơn (huyện Ninh Sơn, tỉnh Ninh Thuận) hu pathau khan, pachreih ba rahra pasiam veik bein pala, ba taneh pala bei plaom, pala tabau takik kein laba tapa pala hareik rong limo tui jalan palimek song mek hu jak jeng. Kadha urang ngak hamu cong thau adit ni, daa mik va song tong abih gauk pang kadha vak di Lê Tuấn angaok harak mbao Ninh Thuận yaih khan ka bruk rong limo palimek di Hòa Sơn:

Meng jhul pakhang bruk padang dom chuỗi pambuak gauk ngak tabiak saong pablei kaya nong, pandar bruk ngak nong công nghệ glaong tui jalan thông minh saong hữu cơ tame bruk ngak, Lâm Đồng daok pasiam hu bruk yau Yuan lac “được mùa mất giá”, tani tanat labik pablei kaya nong ka bhap bani. Kadha urang ngak hamu caong thau adit ini, daa mikva saong taong abih gauk pang kadha vak di Quang Sáng, urang vak di rayo sap ndom VN daok di Tây Nguyên brei thau ka jalan ngak ini:

Dữ liệu ngak tabiak pandap panda njauk lac bruk doanh nghiep saong urang nong biak caong khin hu piah sahanang ngak. Yau nan ngak habar piah klak di bruk “njauk kaya nong, yaom lap”, mblah tui gauk, ngak tabiak rilo jang bruk urang blei njauk iew urang blei kaya nong daong?

Dalam raong hadang piah pablei (hadang sú saong hadang takai patih) drei pajaih ba tal meteh bruk jak jeng di mbang raong, kayua yau nan ye piah ba mai kein laba glaong ka bhap bini, anek pajaih siam lac bruk praong dang akaok. Kadha urang ngak hamu caong thau adit ni, daa mikva duah thau dom ilamo saong jalan kỹ thuật dalam raong hadang mek hu kein laba glaong khang kajap tuk pandar công nghệ raong Biofloc di ong Lê Minh Chính, po labik raong hadang di xã Ninh Phú (ban sit Ninh Hòa, tỉnh Khánh Hòa)

Meng giải thưởng “Brah bingi abih di dunya” dalam pakacah World’s Best Rice mbang ka 11 (di Philippines), brah ST24, ST25 daok hu prein dui pachreih urang blei di darak pasar. Patui bruk siam lagaih ini, rilo hợp tác xã ngak nong di dom bhum taneh ngak padai dalam negar hu pala pajaih padai bingi ini di Việt Nam saong mek hu kein laba glaong.

Bhian nao atah palei ngak rilo bruk piah duah jien mbang cai, min jien duah hu oh tani tanat, Nguyễn Anh Tuấn (umo 40 thun), daok di palei Phú Quý, xã Đại Hiệp, huyện Đại Lộc, tỉnh Quảng Nam mai veik palei pala bimao (janih bimao Yuan ieu lac nấm sò). Meng pala bimao hu dong ka saai Tuấn duah hu yaok rituh triệu đồng yaok thun. Kadha: “Urang ngak hamu cong thau” adit ni, daa mik va song tong abih gauk duah thau ka ilamu pala bimao di saai Tuấn:

Meng jalan pala njam dalam aia, Hợp tác xã njam hacih Tiến Phát di xã Vũ Hòa (h.Đức Linh, t.Bình Thuận) mek hu biak rilo njam saong khik hu siam mekre hacih sa-at.

Rilo urang ngak nong di tỉnh An Giang pambak tame bruk hu rilo hadang ikan saong rilo pandap mbang dalam bilan ia ndik piah raong kaya ikan, patagok kinh tế baoh sang, dalam nan hu bruk raong lanung.

Padang mbang angui tuk umo U.70, diuk pasang ong Nguyễn Quốc Hùng saong amuk Lê Thị Hạnh hu vak jeng “dalikan biak karei” angaok bhum taneh bhian ngak padai xã Vọng Thê (Thoại Sơn, An Giang). Baoh kruac bhung kalik hijao di baoh sang pala kruac bhung kalik hijao Lê Thị Hạnh bahrau hu taong yaom, dak angan pandap panda OCOP pakat tỉnh (Danak dak yaok xã 1 pandap panda tỉnh An Giang thun 2020).

5 thun ini mai, bruk pala kruac bung klik hajao pandar taong abih khak hữu cơ song chế phẩm sinh học hu rilo sang urang nong di xã Cư Elang, huyện Ea Kar, tỉnh Đắk Lắk ngak tui. Phun kruac bung klik hajao brei kein laba glong hu dong ka rilo urang nong duah hu jien tỷ yaok thun. Meng nan rilo sang urang nong hu tabiak truh kathaot, yam tagok ngak kaya meda. Kadha Urang ngak hamu cong thau adit ni, daa mik va song tong abih gauk pang kadha vak di Tuấn Long, urang vak di rayo sap ndom VN dok di bhum Tây Nguyên brei thau ka bruk pala kruac bung klik hajao tui tanut Vietgap.