Ikan dầm xanh lac janih ikan quý, takik hu, saman dahlau bhian hu pok tagok brei ka patao mbang. Janih ikan ni tok diuk hu di kraong ribaong, min rilo thun ini mai, urang Mường daok di xã Nhân Mỹ, huyện Tân Lạc, tỉnh Hoà Bình duah hu jalan raong ikan dầm xanh dalam danao, ikan diuk hu khang kadang saong mebaoh hu rilo, ba mai kein laba praong ka urang raong.

Ngak nong công nghệ glaong lac “panuac ndom” oh daok atah dhua ngan haong rilo urang ngak nong di Bình Thuận. Kayua lac dalam dom thun tapa hu rilo doanh nghiệp, manuac urang sami samar saong khin saneng khin ngak, buh jien tame ngak bruk ini, peih tabiak jalan rami ramik veik bruk ngak nong di Bình Thuận dalam tukvak anak tal. Kadha “Urang ngak hamu caong thau” harei ini, hu kadha vak di Ngọc Diệp brei thau ka bruk pala dâu tây công nghệ glaong di huyện Hàm Thuận Bắc:

Rilo thun tapa, urang nong huyện Châu Thành, tỉnh Tiền Giang ba taneh ngak padai tapa pala njam patam pablei ka drak pasa dom labik. Meng phun jien buh tabiak ngak takik, tuk vak paik mek samar, nan ye kein lagaih kinh tế glong, dong ka urang nong tabiak truh kathaot yam tagok ngak kaya meda. Nhật Trường - urang vak di rayo sap ndom VN dok di bhum taneran krong CL hu kadha vak ka bruk pala njam diếp cá tabiak truh kathaot di xã Nhị Bình (huyện Châu Thành)- labik hu taneh pala njam meng labaih 20 thun tapa, daa mik va song tong abih gauk duah thau

Huyện Đầm Dơi dok dalam bhum njom mbak song jeng lac huyện hu taneh rong hadang prong abih di tỉnh Cà Mau. Min, bhap bini dalam huyện jeng thau pasiam dom mblang taneh njom mbak, kan kandah pak ni jeng dom bein njam patam, baoh kraoh hajao hijao mekre piah tagok jien mek tame. Abih di nyu nan lac, tuk puac thun, bhap bini pala tamekai piah pablei ka drak pasa Tết nan ye hu jien mek tame glong jang. Trần Hiếu – urang vak di rayo sap ndom VN dok di bhum taneran krong CL hu kadha vak brei thau ka bruk ni:

Thau hu pren khang di Việt Nam lac hu phun jru biak rilo, urang likei kiến trúc sư Bùi Minh Anh peih bein raong menuk Go Fresh Việt Nam, peih tabiak bruk raong glang tui jalan "hijao".

Urak ni dalam tỉnh Bà Rịa-Vũng Tàu daok cak rok patagol rilo bruk pala bimao, meng nan hu ba mai kein laba kinh tế glaong dut saong dom janih phun karei saong oh abih rilo taneh pala.

Mai palei Patoh Tuấn Tú, xã An Hải, huyện Ninh Phước, tỉnh Ninh Thuận, rilo menuac thau tal sa-ai Hứa Văn Sắn, sa urang nong ngak mbang naih joi di puk palei. Lac sang kathaot, min meng hatai kham merat yam tagok, sa-ai hu jeng sang ginup meda meng pala phun rabung hijao angaok mblang taneh cuah di sang dre. Kadha urang ngak hamu caong thau adit ini, daa mikva saong taong abih gauk mai rivang saong bac megru ilamu pala rabung hijao di “Urang nong ngak mbang naih joi” angan Hứa Văn Sắn:

Hadei di rilo thun rong, labik rong njom nerak, urang rong hadang dalam labik praong di Cà Mau kan si raong hu hadang sú. Abih di nyu nan lac dalam bilan pandiak thu njom mbak khang thun 2019 - 2020, bruk raong dak kan kandah jang. Meng nan, rilo sang salih tapa rong hadang thẻ. Abih di nyu nan lac, urang raong tui jalan rong 2 tuk vak yau nan ye mbuan raong jang song hu jien mek tame glong.

Tukvak jaik ini, rilo urang ngak nong di dom huyen Châu Thành, Châu Thành A, Phụng Hiệp ( Hậu Giang) ngak iek bruk raong bao jhuk ba mai kein laba glaong. Ini lac jalan ngak mbang birau brei ka urang nong caong khin duah hu jien tame, salih birau raidiuk. Kadha “Urang ngak hamu caong thau” adit ini, da-a mikva saong gruak ayut duah thau bruk raong bao jhuk di urang nong Hậu Giang tapa kadha vak di Mỹ An:

Pa-ok Hòa Lộc hu asal meng xã Hòa Lộc, quận Giáo Đức, tỉnh Định Tường dahlau daih, urak ini lac palei Hòa, xã Hòa Hưng, huyện Cái Bè, tỉnh Tiền Giang. Ini lac sa janih baoh kayau danei angan di bhum taneran kraong Cuu Long saong lac sa dalam dom janih baoh hu rilo urang takre kayua sambo mau biak mekre meta, pahe saong hu asar dinh dưỡng glaong.