Meng taneh klaak bilau, rilo sang di Ban Sa Đéc, tỉnh Đồng Tháp pala bimao pong laba hu yaok pluh trieu đồng sa bilan. Kadha “Urang ngak hamu caong thau” adit ini, hu kadha vak di Thanh Nghĩa angaok mbao Nông thôn ngày nay brei thau ka bruk kein laba meng bruk pandar taneh klak saoh pala bimao pong di urang nong daok pak Ban Sa Đéc:

Van ro raong tapai Hải Huyền Phát lac labik raong tapai raloaw pablei prong abih di huyện Hà Trung (Thanh Hóa), bhian hu meng 6.000 drei tagok. Kadha urang ngak hamu caong thau adit ini, khaol drei pang kadha vak di Cương Lê Như angaok báo Palei pala harei ini khan brei thau ka jalan ngak mbang njauk ilamu kỹ thuật saong pacang caga jit ruak ka tapai raong di sa-ai Nguyễn Văn Hải (ndih tapui thun 1985) -po van ro raong tapai di palei Nhạn Trạch, xã Hà Lai.

Bahrau ni, Nyaom urang ilamu kayua TS Đào Minh Sô (Akaok Bộ môn palih ruah pabam pajiah phun pala, Viện ilamu Kỹ thuật ngak nong gah merong negar) dang akaok pabam hu pajaih padai sambo Huyết Rồng rai hadei dane angan bhum taneran krong CL dahlau deih, hu angan ieu lac Mắt Rồng SR20. Mắt Rồng SR20 hu dom siam lagaih di pajaih padai Huyết Rồng, saong daok pasiam hu dom labik oh ka lagaih di pajaih padai meng kan. Kadha “Urang ngak hamu cong thau” adit ni, daa mik va song tong abih gauk pang kadha vak di Phiêu Nhiên angaok mbao SGGP yaih khan ka pajaih padai bahrau ni:

Bruk raong ada rilo ralaow Grimaud angaok thu kayua pasak pachreih nong peih tabiak ngak di thun 2015. Tal urak ni di xã Tân Phước ( huyện Đồng Phú –t.Bình Phước) saong dom labik jaik taphia hu rilo sang urang nong peih praong bruk bruk raong glang ni ngan haong yaok ribau drei saong ba mai kein laba glaong.

Dalam dom thun jiak di ni, xã viên hợp tác xã (HTX) Dịch vụ ngak nong tổng hợp Tân Tiến (Phường 12, ban Đà Lạt, Lâm Đồng) oh padeih kham merat pandar ilamu kỹ thuật tame bruk ngak tabiak pandap panda. Bruk samar ngak jeng angan je labik dang ka pandap ngak nông di HTX, dong paglong rai duik ka xã viên song dom boh sang pambuak gauk.

Tukvak tapa, ruak kanyil, ka-iu hala bei plom (bei kayau) tamuh tabiak di rilo bhum palei. Tal urak ini, ruak njom mbak di taneh pala bei plom di 20 tỉnh, ban, ngak khut khat biak trak. Kadha “Urang ngak hamu caong thau” adit, khol drei duah thau ka ruak kanyil, ka-iu hala phun bei plom saong jalan pacang caga ruak:

Labaih sa bilan ini mai, yaom amriak kalu gam gam tagok veik, hadei di jaik 4 thun laik yaom. Yaom amriak kalu tagok yaok harei, ngak ka oh takik urang pala amriak kalu bui sambai, chreih chrai. Yau nan min, gah ngak nong tỉnh Bà Rịa-Vũng Tàu jeng hu ba tabiak dom panuac kakei mikva urang pala amriak kalu.

Ikan dầm xanh lac janih ikan quý, takik hu, saman dahlau bhian hu pok tagok brei ka patao mbang. Janih ikan ni tok diuk hu di kraong ribaong, min rilo thun ini mai, urang Mường daok di xã Nhân Mỹ, huyện Tân Lạc, tỉnh Hoà Bình duah hu jalan raong ikan dầm xanh dalam danao, ikan diuk hu khang kadang saong mebaoh hu rilo, ba mai kein laba praong ka urang raong.

Ngak nong công nghệ glaong lac “panuac ndom” oh daok atah dhua ngan haong rilo urang ngak nong di Bình Thuận. Kayua lac dalam dom thun tapa hu rilo doanh nghiệp, manuac urang sami samar saong khin saneng khin ngak, buh jien tame ngak bruk ini, peih tabiak jalan rami ramik veik bruk ngak nong di Bình Thuận dalam tukvak anak tal. Kadha “Urang ngak hamu caong thau” harei ini, hu kadha vak di Ngọc Diệp brei thau ka bruk pala dâu tây công nghệ glaong di huyện Hàm Thuận Bắc:

Rilo thun tapa, urang nong huyện Châu Thành, tỉnh Tiền Giang ba taneh ngak padai tapa pala njam patam pablei ka drak pasa dom labik. Meng phun jien buh tabiak ngak takik, tuk vak paik mek samar, nan ye kein lagaih kinh tế glong, dong ka urang nong tabiak truh kathaot yam tagok ngak kaya meda. Nhật Trường - urang vak di rayo sap ndom VN dok di bhum taneran krong CL hu kadha vak ka bruk pala njam diếp cá tabiak truh kathaot di xã Nhị Bình (huyện Châu Thành)- labik hu taneh pala njam meng labaih 20 thun tapa, daa mik va song tong abih gauk duah thau