Huyện Đầm Dơi dok dalam bhum njom mbak song jeng lac huyện hu taneh rong hadang prong abih di tỉnh Cà Mau. Min, bhap bini dalam huyện jeng thau pasiam dom mblang taneh njom mbak, kan kandah pak ni jeng dom bein njam patam, baoh kraoh hajao hijao mekre piah tagok jien mek tame. Abih di nyu nan lac, tuk puac thun, bhap bini pala tamekai piah pablei ka drak pasa Tết nan ye hu jien mek tame glong jang. Trần Hiếu – urang vak di rayo sap ndom VN dok di bhum taneran krong CL hu kadha vak brei thau ka bruk ni:

Thau hu pren khang di Việt Nam lac hu phun jru biak rilo, urang likei kiến trúc sư Bùi Minh Anh peih bein raong menuk Go Fresh Việt Nam, peih tabiak bruk raong glang tui jalan "hijao".

Urak ni dalam tỉnh Bà Rịa-Vũng Tàu daok cak rok patagol rilo bruk pala bimao, meng nan hu ba mai kein laba kinh tế glaong dut saong dom janih phun karei saong oh abih rilo taneh pala.

Mai palei Patoh Tuấn Tú, xã An Hải, huyện Ninh Phước, tỉnh Ninh Thuận, rilo menuac thau tal sa-ai Hứa Văn Sắn, sa urang nong ngak mbang naih joi di puk palei. Lac sang kathaot, min meng hatai kham merat yam tagok, sa-ai hu jeng sang ginup meda meng pala phun rabung hijao angaok mblang taneh cuah di sang dre. Kadha urang ngak hamu caong thau adit ini, daa mikva saong taong abih gauk mai rivang saong bac megru ilamu pala rabung hijao di “Urang nong ngak mbang naih joi” angan Hứa Văn Sắn:

Hadei di rilo thun rong, labik rong njom nerak, urang rong hadang dalam labik praong di Cà Mau kan si raong hu hadang sú. Abih di nyu nan lac dalam bilan pandiak thu njom mbak khang thun 2019 - 2020, bruk raong dak kan kandah jang. Meng nan, rilo sang salih tapa rong hadang thẻ. Abih di nyu nan lac, urang raong tui jalan rong 2 tuk vak yau nan ye mbuan raong jang song hu jien mek tame glong.

Tukvak jaik ini, rilo urang ngak nong di dom huyen Châu Thành, Châu Thành A, Phụng Hiệp ( Hậu Giang) ngak iek bruk raong bao jhuk ba mai kein laba glaong. Ini lac jalan ngak mbang birau brei ka urang nong caong khin duah hu jien tame, salih birau raidiuk. Kadha “Urang ngak hamu caong thau” adit ini, da-a mikva saong gruak ayut duah thau bruk raong bao jhuk di urang nong Hậu Giang tapa kadha vak di Mỹ An:

Pa-ok Hòa Lộc hu asal meng xã Hòa Lộc, quận Giáo Đức, tỉnh Định Tường dahlau daih, urak ini lac palei Hòa, xã Hòa Hưng, huyện Cái Bè, tỉnh Tiền Giang. Ini lac sa janih baoh kayau danei angan di bhum taneran kraong Cuu Long saong lac sa dalam dom janih baoh hu rilo urang takre kayua sambo mau biak mekre meta, pahe saong hu asar dinh dưỡng glaong.

Meng hu siam lagaih jang dom janih pajaih darum (ổi) karei bo urak ini rilo sang bein salih tapa pala janih darum Đài Loan saong mek hu rilo siam mekre. Phun hu rilo baoh saong pablei biak hu yaom. Daok gah urang blei mbang lac janih darum ini bingi saong hu rilo dinh dưỡng nan ye hu rilo menuac takre mbang yaok harei.

Rilo thun dahlau, takik thei thau lac, di bhum taneh ia njom likhun trak bhum tapen negar xã Bình Thạnh, ban sit Trảng Bàng, Tây Ninh, padai oh meda tamuh hu, salih tame nan lac dom janih phun yau: cói, lác, hareik meng tamuh hu bo ngak jeng dom bein menaih biak praong. Min, tapa plak tangin, tapa hatai saheng di urang nong angan Nguyễn Văn Sáu, bhum taneh metai labaih 50ha hu diuk veik. Kadha:“Urang ngak hamu cong thau” adit ni, daa mik va song tong abih gauk pang kadha vak di Trần Trung angaok harak mbao ngak nong Việt Nam brei thau ka bein menaih di urang nong Nguyễn Văn Sáu:

Tukvak jaik di ini, rilo sang urang ngak nong di huyện Phụng Hiệp, tỉnh Hậu Giang peih prong bruk raong cim dhul mek khak pablei ka dom bein buh ka phun pala. Bruk raong cim dhul mek khak biak mbuan, min ba mai kein laba glaong. Kadha Urang ngak hamu caong thau adit ini, daa mikva song taong abih gauk pang kadha vak di Quốc Hưng angaok harak báo Hậu Giang brei thau jalan raong cim dhul mek khak di urang ngak nong daok di huyện Phụng Hiệp :