VOV4.Êđê - Tui si phŭn bruă lŏ hma, ênoh bi mnia mblei hŏng ala tač êngao boh mnga bruă lŏ hma, mnơ̆ng hŏng kyâo lehanăn hdang kan 3 mlan akŏ thŭn năng ai hlăm brô 18 êklai 340 êklăk dolar. Hlăm anăn drei čhĭ kơ ala tač êngao mâo ba wĭt 10 êklai 610 êklăk dolar, đĭ 19,7% mkă hŏng wưng anei thŭn dih. Hlăm 3 mlan akŏ thŭn, mâo lu mta mnơ̆ng dưi čhĭ hĭn mkă hŏng wưng anei thŭn dih msĕ si: Ksu; čê; djam mtam boh kroh, hbei ƀlang; hdang, lehanăn dŭm mta mnơ̆ng mơ̆ng dliê. Siămdah, ăt adôk mâo dŭm mta mnơ̆ng mâo ênoh čhĭ kơ ala tač êngao trŭn hrŏ msĕ si kphê, braih; asăr kñŭl, kan tra... Anôk mnia mblei lu jing hlăm alŭ wăl Châu Á truh 54,4%, ti Amrĭk truh 32,2%, Châu Âu 11,8%... Hlăm anăn mâo 4 ala čar blei lu hĭng jing Mi, Trung Quốc, Nhật Bản, lehanăn Hàn Quốc đĭ nanao mnơ̆ng diñu blei mơ̆ng Việt nam./.

Y Khem pô mblang