VOV4.Êđê - Aguah 22/4, Êpul hgŭm Kphê Ƀuôn Ama Thuôt, čar Dak Lak mkŏ mjing mphŭn pŏk klei lông kphê jăk Việt Nam tal 4, hlue hdră online mkŏ ti 3 anôk: Ƀuôn Ama Thuôt, ƀuôn prŏng Hồ Chí Minh leh anăn Hà Nội. Ênoh mta nao bi lông leh anăn anôk bruă bi lông thŭn anei lu hĭn mkă hŏng 3 blư̆ mkŏ mjing êlâo anăn.

Leh 6 mlan pŏk ngă, klei bi lông iêô jak 48 anôk bruă hŏng 83 mta kphê hriê mơ̆ng 7 čar, ƀuôn prŏng mkra mjing kphê. Tuôr hrŏng ruah, ksiêm dlăng hnơ̆ng jăk lông mnăm mkŏ mjing mơ̆ng hruê 22 truh 27/4. Klei bi lông knhal tuič leh anăn mđup brei klei pah mni, mjưh ruê̆ mkŏ mjing hlăm hruê 30/4 kơ anăp. Klei bi lông kñăm mpŭ mni kơ phung pla kphê, kphê jăk leh anăn anôk bruă mkra mjing kphê djăp hnơ̆ng čuăn jăk, hưn mthâo kphê jăk Việt Nam hŏng phung ba yua, phung đeh kphê hlăm ala čar leh anăn ala tač êngao.

H’Zawut pô mblang