VOV4.Êđê-  Kñăm čih mkra klei bhiăn, hdră mtrŭn đru kơ anôk bruă duh mkra hgao klei dleh dlan, mtrŭt mđĭ bruă mkra, mnia mblei, mđĭ kyar bruă duh mkra - ala ƀuôn hlăm boh klei mrâo, tlam hruê 25/3, Anôk ksiêm dlăng hdră mđĭ kyar bruă duh mkra êngao knŭk kna (hlăm Knŭk kna) bi hgŭm hŏng Êpul bruă kyâo lehanăn lehanăn mnơ̆ng mơ̆ng kyâo Việt Nam lehanăn dŭm Êpul bruă kyâo alŭ wăl mkŏ mjing klei bi kƀĭn trông mă klei blŭ kơ hră hưn mthâo ‘Anôk bruă kyâo Việt Nam”: Boh klei lehanăn hdră msir rơ̆ng hdră êlan ngă bruă truh ti thŭn 2030. 10 thŭn êgao, anôk bruă kyâo đĭ kyar pral hŏng 2 mrô. Thŭn 2021, khădah hmăi mơ̆ng klei ruă Covid 19, anôk bruă mkra mnơ̆ng mơ̆ng kyâo ba čhĭ kơ ala tač êngao hlăm ala čar mâo êbeh 15 êklai 800 êklăk USD,đĭ 20% mkă hŏng thŭn êlâo. Khă snăn, čiăng dưi mâo mta kñăm ba čhĭ 25 êklai USD hlăm thŭn 2030, brei mâo klei bhiăn, hdră mtrŭn mjing klei jăk găl kơ anôk bruă kyâo đĭ kyar hĭn hlăm boh klei mrâo. Ti anôk bi trông, phung bi ala akâo kơ knŭk kna đru kơ prăk duh bi liê čiăng anôk bruă duh mkra bi mlih kdrăp mrâo hlăm klei ngă bruă, mjuăt bi hriăm mnuih mă bruă hlăm ala čar./.

                                                    Pô mblang: H’Nêč Êñuôl