VOV4.Êđê- Klei ŭn ruă tian ô̆ eh ăt dôk bluh mâo ti čar Dak Lak, hŏng giăm 60 anôk mâo klei ruă tĭng mơ̆ng akŏ thŭn truh kơ ară anei. Dua anôk mrâo bluh mâo klei ruă ti Dak Lak jing gŏ sang rông mnơ̆ng ti să Êa Tul lehanăn Čư̆ Mgar, kdriêk Čư̆ Mgar, čar Dak Lak, hŏng 10 drei ŭn ruă. Ŭn ruă mâo leh êpul mdrao mgŭn mnơ̆ng rông bi hgŭm hŏng mnuih ƀuôn sang ba čuh dơr.

Tĭng mơ̆ng akŏ thŭn truh kơ ară anei, kluôm čar Dak Lak mâo 59 anôk mâo klei ruă ti 52 alŭ, ƀuôn mơ̆ng 9 kdriêk. Ênoh ŭn ruă giăm 400 drei truh giăm 24 ton. Hlăm anăn, Čư̆ Mgar ăt jing sa hlăm dŭm kdriêk mâo klei ŭn ruă tian ô̆ eh dleh ksiêm dlăng êdi hŏng 158 drei ba čuh dơr, giăm 11 ton. Nguyễn Quang Đức, Khua anôk bruă rông mnơ̆ng lehanăn mdrao mgŭn mnơ̆ng rông kdriêk Čư̆ Mgar brei thâo: Ară anei anôk bruă mdrao mgŭn bi hgŭm hŏng bruă sang čư̆ êa alŭ wăl ksiêm dlăng anôk mâo klei ruă lehanăn mtă kơ mnuih rông mnơ̆ng ƀuăn amâo čhĭ ŭn ruă, gang mkhư̆ klei ruă anei tưp lar./.

                                                    Pô mblang: H’Nêč Êñuôl