VOV4. Êđê - Phŭn bruă lŏ hma mrâo hgŭm leh hŏng knơ̆ng bruă sang čư̆ êa čar Daklak mkŏ mjing klei bi kƀĭn ksiêm wĭt boh tŭ dưn hdră mkŏ wĭt bruă pla kphê, wưng thŭn 2014 –2020, kluôm ala lŏ pla wĭt leh giăm 150 êbâo ha kphê, kdlưn hĭn êbeh 30 êbâo ha mkă hŏng hdră kčah. Boh mnga mâo hlăm dŭm ênhă pla mrâo êbeh 520 êbâo tôn kphê asăr.

Boh kphê čar Daklak hŏng anăn knăl lehanăn klei ktrâo hưn anôk pla mjing “Kphê Ƀuôn Ama Thuôt"” mâo čhĭ leh truh kơ êbeh 80 ala čar. Phŭn bruă lŏ hma lŏ dơ̆ng bi klă ênoh pla mrâo kphê wưng thŭn 2021 -–2025 hŏng mta kñăm lŏ dơ̆ng mđĭ hĭn ai dưi bi ktưn, mâo ênoh ênil jăk, mđĭ hnơ̆ng hrui wĭt kơ mnuih pla mjing kphê. Ênhă kphê čiăng lŏ rŭ pla mrâo, grep mdjuê mjeh jăk wưng anei, bi klă jing truh 107 êbâo ha./.

Y-Khem pô mblang