VOV4.Êđê - Aguah hruê 21/4, Knơ̆ng bruă Kreh knhâo lehanăn Kdrăp mrâo čar Gia Lai mkŏ mjing leh Knăm hưn mthâo hră m’ar răng mgang dŭm mta mnơ̆ng lŏ hma phŭn ti alŭ wăl. 5 mta mnơ̆ng lŏ hma phŭn mơ̆ng Gia Lai mâo Knơ̆ng bruă dưn yua klei mĭn mrâo jao hră bi mklă răng mgang, mâo: Tiu Čư̆ Sê, Phở thu Gia Lai, djam Đăk Pơ, braih Ia Lâu – Čư̆ Prông, Čĭm êmô Krông Pa – Gia Lai, kơ pô kiă kriê jing Anôk bruă sang čư̆ êa čar Gia Lai, Knơ̆ng bruă Kreh knhâo lehanăn Kdrăp mrâo lehanăn dŭm kdriêk Đak Pơ, Čư̆ Prông, Krông Pa.  

Êngao anăn, čar Gia Lai dôk pŏk ngă dŭm bruă čiăng bi mklă klei dưi dưn yua 4 anăn knăl bi mklă, mâo: Hbei tao Lệ Cần-Đak Đoa, boh sưp Ia Grai, čêñ hruê̆ Gia Lai, êa hnuê mnga kphê Gia Lai lehanăn 1 anôk ktrâo lač krĭng lăn pla mjing mơ̆ng kphê Gia Lai.

H’Nêč pô mblang