VOV4.Êđê - Tlam 22/4, Knơ̆ng bruă lŏ hma leh anăn mđĭ kyar krĭng ƀuôn sang čar Gia Lai mkŏ mjing knăm mđup brei hră bi mklă mnơ̆ng dhơ̆ng OCOP kơ dŭm mta mnơ̆ng mdê hjăn mơ̆ng dŭm să hlăm čar. Thŭn 2021 čar Gia Lai lŏ dơ̆ng mđĭ kyar mâo 67 mta mnơ̆ng dhơ̆ng mdê hjăn, dưi tŭ yap klei tŭ ksiêm dlăng leh anăn mkăp hră bi mklă mnơ̆ng dhơ̆ng OCOP.

Hlăm anăn mâo 3 mta mnơ̆ng djăp hnơ̆ng čuăn 4 mtŭ leh anăn 64 mta mnơ̆ng djăp hnơ̆ng čuăn 3 mtŭ, Mnơ̆ng dhơ̆ng tŭ yap mâo hnơ̆ng mtŭ mâo Knơ̆ng bruă sang čư̆ êa čar mkăp Hră bi mklă, dưi yua anăn knăl bi mklă “OCOP Gia Lai” leh anăn hnơ̆ng mtŭ kđăm hlăm kdô mnơ̆ng dhơ̆ng hlue si hdră kčah. Klei tŭ yap mâo ênoh yuôm hlăm wang 3 thŭn yap mơ̆ng hruê siñê tŭ yap. Snăn, leh 3 thŭn hlue ngă Hdră OCOP, Gia Lai mâo leh 25 mnơ̆ng dhơ̆ng djăp hnơ̆ng čuăn 4 mtŭ leh anăn 189 mnơ̆ng dhơ̆ng djăp hnơ̆ng čuăn 3 mtŭ.

H’Zawut pô mblang