Kphê jing mnơ̆ng pla mâo ênhă pla prŏng mơ̆ng čar Dak Nông. Ară anei, čar mâo êbeh 142.000 ha kphê, hnơ̆ng mâo êbeh 360.000 ton, dôk tal 3 mơ̆ng kluôm ala. Dŭm thŭn êgao, lu anôk bruă duh mkra, êpul hgŭm lehanăn ƀĭng ngă lŏ hma ti Dak Nông mđing duh bi liê, ba yua kdrăp mrâo hlăm bruă pla mjing, kyua anăn hnơ̆ng tŭ jăk kphê dưi mkra mđĭ.

Čar mâo êbeh 23.000 ha kphê dưi pla mjing hluê hnơ̆ng čuăn ala čar lehanăn tar rŏng lăn hŏng lu gru hmô pla mjing hơĭt kjăp. Boh nik, 2 thŭn giăm anei, Dak Nông mkŏ mjing leh 54 êpul mtrŭt mjhar bruă ngă lŏ hma êpul êya, hluê ngă hdră đru kčĕ, đru kơ mnuih ƀuôn sang, êpul hgŭm ba yua hdră pla mjing rơ̆ng hnơ̆ng tŭ jăk mnơ̆ng dhơ̆ng./.