VOV4.Êđê - Hlue si Phŭn bruă lŏ hma leh anăn mđĭ kyar krĭng ƀuôn sang, 4 mlan êgao, ênoh prăk ba čhĭ kơ ala tač êngao mnơ̆ng dhơ̆ng lŏ hma, dliê kmrơ̆ng, kan hdang mâo hlăm brô 31 êklai 8 êtuh êklăk đôlar Mi, đĭ 7% mkă hŏng wưng anei thŭn dih, ênoh ba čhĭ mnơ̆ng dhơ̆ng lŏ hma, dliê kmrơ̆ng, kan hdang mâo 4 êklai đôlar, lu hĭn 3.2 blư̆ mkă hŏng wưng anei thŭn dih. Hlăm 4 mlan, ba čhĭ mnơ̆ng dhơ̆ng lŏ hma mâo êbeh 7 êklai 4 êtuh êklăk đôlar, đĭ 10,5%; mnơ̆ng hlăm dliê mâo giăm 5 êklai 9 êtuh êklăk đôlar, đĭ 4,9%, kan hdang mâo giăm 3 êklai 6 êtuh êklăk đôlar, đĭ 43,7%.  Bruă lŏ hma mâo leh 5 mta mnơ̆ng dhơ̆ng, êpul mnơ̆ng dhơ̆ng mâo ênoh ba čhĭ êbeh 1 êklai đôlar mâo: kphê, braih, djam tam, boh kroh, hdang, kyâo. Dŭm mta mnơ̆ng mâo ênoh yuôm ba chĭ lu hĭn mkă hŏng wưng anei thŭn dih msĕ si: ksu, tiu, hbei ƀlang leh anăn dŭm mta mnơ̆ng dhơ̆ng mơ̆ng hbei ƀlang, kan, hdang, kyâo leh anăn dŭm mta mnơ̆ng dhơ̆ng mơ̆ng kyâo. Dŭm mta mnơ̆ng mâo ênoh yuôm ba čhĭ kơ ala tač êngao mâo: êpul djam tam boh kroh, asăr kñŭl.

H’ Zawut pô mblang