Knăm mơak mkŏ mjing mơ̆ng hruê 31/8 – 2/9, mâo 12 bruă phŭn. Hŏng klei mprăp jăk mơ̆ng dŭm anôk bruă djŏ tuôm, truh kơ ară anei, dŭm mta bruă mprăp kơ knăm mơak dưi djŏ hŏng hdră kčah. Sa hlăm dŭm mta bruă phŭn jing Knăm mphŭn pŏk (mmăt hruê 31/8) dôk mjêč bi leh dŭm bruă knhal tuč. Leh knăm mphŭn pŏk jing klei kdŏ mmuñ, rang mdah mơ̆ng êbeh 400 čô mbruă. Hŏng klei kdŏ mmuñ bi mguôp hŏng klei hâo hưn kơ krĭng lăn Krông Pač bŏ hŏng klei găl.

Hlăm knăm mơak durian Krông Pač tal anei, lu mta bruă kơ mnuih ƀuôn sang leh anăn phung tuê dưi pŏk mlar kơ hnơ̆ng msĕ si: Knăm mơak krah êlan, klei bi lông êran kyua klei suaih pral êpul êya, dhar kreh mnơ̆ng ƀơ̆ng huă dŭm djuê ana…Hlăm anăn, klei kdŏ mmuñ mâo êa dưi mâo lu mnuih čang guôn, hŏng 60 mnĭt grăp mlam, hŏng klei kdŏ mmuñ, bi mguôp hŏng pom êa bi mâo ênai leh anăn rup siam.