VOV4.Êđê- Hruê 18/3, ti Hà Nội mkŏ mjing leh Klei bi kƀĭn online bi trông kơ hdră msir mtrŭt mđĭ kyar bruă rông ŭn lehanăn mđĭ hdră kriê dlăng bruă duh mkra, mnia mblei mnơ̆ng ƀơ̆ng mnơ̆ng rông. Ară anei, bruă mkra mnơ̆ng ƀơ̆ng mnơ̆ng rông hlăm ala čar lu jing tui hluê hŏng mnơ̆ng blei mơ̆ng ala tač êngao, kyua anăn hmăi prŏng mơ̆ng klei amâo h’ĭtênoh čhĭ hlăm tar rŏng lăn, hlăk klei thâo mkra mnơ̆ng ƀơ̆ng kơ mnơ̆ng rông hlăm ala čar dôk êdu kƀah.

Phung bi ala hưn mdah, brei lŏ ksiêm dlăng ênoh rông êpul ŭn, tĭng dlăng hnơ̆ng tŭ êpul ŭn čiăng gĭr gai bruă rông hluê si Hdră mđĭ kyar bruă rông mnơ̆ng lehanăn čuăl mkă bruă duh mkra – ala ƀuôn mơ̆ng grăp alŭ wăl. Hluê si K’iăng khua phŭn bruă Lŏ hma mđĭ kyar krĭng ƀuôn sang Phùng Đức Tiến, hdră msir kơ anăp jing ba yua mnơ̆ng mkra mâo ti alŭ wăl, bi mlih ênhă lăn pla mjing amâo tŭ dưn ba pla mnơ̆ng yua mkra mnơ̆ng ƀơ̆ng kơ mnơ̆ng rông./.

                                                   Pô mblang: H’Nêč Êñuôl