Hŏng dŭm klei găl kơ anôk ala, yan adiê, ngăn dŏ čŏng mâo, mnơ̆ng hlăm gŭ lăn, Lăn dap kngư mđĭ kyar leh krĭng pla mjing ngă lŏ hma prŏng êdi mơ̆ng kluôm ala. Kphê jing leh mnơ̆ng pla phŭn ti Lăn dap kngư hŏng giăm 668.000ha. Anei ăt jing krĭng pla ksu prŏng tal 2 êdei krĭng Ngŏ kwar Dhŭng hŏng êbeh 250.000ha.

Mbĭt anăn, Lăn dap kngư mâo êbeh 4 êklăk drei êmô, ŭn; 30 êklăk drei mnŭ, bip….Klei kƀĭn ba mdah leh dŭm hdră msir kñăm ba yua tŭ dưn dŭm klei găl mâo čiăng mđĭ kyar bruă lŏ hma ti krĭng Lăn dap kngư. Hlăm anăn, mđing kơ dŭm hdră msir kñăm ruh mtlaih klei dleh dlan, gun kpăk kñăm mtrŭt mđĭ hlăm bruă lŏ hma, pŏk hdră êlan mrâo kñăm mđĭ kyar bruă lŏ hma ti krĭng Lăn dap kngư hlăm wưng mrâo./.