VOV4.Êđê- Aguah hruê 1/4, klei hưn mơ̆ng Knơ̆ng bruă rông mnơ̆ng lehanăn mdrao mgŭn mnơ̆ng rông čar Kon Tum brei thâo: Klei ruă hdrak mnŭ da H5N1 bluh mâo ti gŏ êsei rông mnơ̆ng Phạm Thị Thủy, alŭ 1, ƀuôn hgŭm Ngô Mây, ƀuôn prŏng Kon Tum. Leh mâo boh tŭ bi mklă kman mơ̆ng Anôk bruă rông mnơ̆ng krĭng 4, mmăt hruê 31/3, Knơ̆ng bruă rông mnơ̆ng lehanăn mdrao mgŭn mnơ̆ng rông čar Kon Tum, Anôk bruă lŏ hma ƀuôn prŏng Kon Tum lehanăn Anôk bruă sang čư̆ êa ƀuôn hgŭm Ngô Mây čiăng ksiêm dlăng lehanăn đru kơ gŏ sang Thủy hluê ngă bruă čuh dơr 1.700 drei mnŭ, bip. Ênoh luič liê đăo tĭng êbeh 100 êklăk prăk. Anei jing anôk bluh mâo klei ruă hdrak mnŭ da H5N1 tal êlâo mâo Knơ̆ng bruă rông mnơ̆ng lehanăn mdrao mgŭn mnơ̆ng rông čar Kon Tum čih yap dơ̆ng mơ̆ng akŏ thŭn 2021 truh kơ ară anei./.

                                                    Pô mblang: H’Nêč Êñuôl