Kon Tum đru êbeh 16.500 gŏ sang bi mlih bruă pla mjing mtŭk mtŭl, mđĭ kyar klei hdĭp mda
Thứ sáu, 15:15, 09/05/2025
Pô mblang: Y-Khem Niê
Pô mblang: Y-Khem Niê
VOV4.Êđê – Leh êbeh 1 hlue ngă hdră êlan mơ̆ng bruă Đảng čar Kon Tum bi mlih bruă pla mjing mtŭk mtŭl, truh ară anei mâo leh giăm 19.500 gŏ sang mnuih ƀuôn sang hlăm čar bi hgŭm, hlăm anăn mâo êbeh 16.500 gŏ sang mnuih djuê ƀiă.
Čiăng kơ mnuih ƀuôn sang, boh nik mnuih djuê ƀiă dŭm alŭ wăl hlăm čar Kon Tum ngă jăk bruă đru mjeh, ktrâo atăt hdră mă bruă, bi mguôp dŭm hdră êlan mă bruă mơ̆ng dŭm mta kñăm mơ̆ng knŭk kna pioh đru kơ mnuih ƀuôn sang.
Boh tŭ dưn mâo tĭng truh mlan 4 leh êgao, kluôm čar Kon Tum mâo mkra wĭt leh êbeh 3.480 héc-ta anôk pla mjing mtŭk mtŭl pioh pla mjing ana boh durian, boh ƀơr, boh suai, mắc ca, kphê amâodah dŭm mta djam mtam, boh kroh... djŏ guôp hŏng yan adiê, lăn ala dliê kmrơ̆ng ti alŭ wăl. Boh sĭt brei ƀuh bruă bi mlih anôk pla mjing mtŭk mtŭl mâo đru leh kơ giăm 19.500 gŏ sang mnuih ƀuôn sang Kon Tum, hlăm anăn mâo êbeh 16.500 gŏ sang mnuih djuê ƀiă bi mlih klei hdĭp grăp hrue lehanăn lŏ mâo klei găl mđĭ kyar klei hdĭp./.
Viết bình luận