VOV4.Êđê- Yan pla mjing thŭn anei, dŭm boh sang mkra mjing kpŭng hbei ƀlang ti čar Kontum dôk ti anăp klei amra kƀah hbei ƀlang pioh mkra mjing. Thŭn anei čar Kontum mâo ênhă jih jang êbeh 39 êbâo 300ha, hŏng boh mnga kah knar knŏng mâo 15 tôn hbei 1ha. Kyua đang hbei ƀlang tuôm hŏng klei mnơ̆ng ngă tŭl hla anăp srăng hmăi amâo mâo jăk ôh kơ boh mnga srăng mâo, kyua phung pla mjing buič hwiê.

Čar Kontum ară anei mâo 8 boh sang mkra mjing kpŭng hbei, anăp kƀah hbei mkra mjing. Nghiêm Đức Thuần, khua knơ̆ng bruă mnia mblei hŏng ala tač êngao Vina lač, hnơ̆ng hbei mâo 15tôn/ha jing ƀiă êdi snăn amâo mâo dưi djăp ôh kớang mkra mjing kpŭng hbei. Dŭm boh sang mkra mjing hlăk dôk tui duah hbei ti dŭm čar, mkăn lehanăn wăt hlăm klei hiu blei truh kơ Lao čiăng mâo djăp hbei ƀlang pioh mkra mjing. Grăp thŭn 8 boh sang mkra mjing kpŭng hbei ƀlang ti čar Kontum mkra mjing hlăm brô 320 êbâo tôn kpŭng./.

VOV/Pô mblang: Y-Khem