VOV4.Êđê - Ti čar Kon Tum hlăm êbeh 2 mlan êgao mâo leh giăm 30 êbâo ana sâm Ngọc Ling djiê. Mta phŭn jing kyua mnơ̆ng ngă leh anăn hjan lĕ pliêr. Klei ksiêm yap mơ̆ng Knơ̆ng bruă sang čư̆ êa kdriêk Tu Mơ Rông, čar Kon Tum brei thâo, ti krĭng pla sâm Ngọc Linh 3 să mơ̆ng kdriêk mâo: Măng Ri, Tê Xăng leh anăn Ngọc Lây mâo êbeh 29.100 ana sâm djiê kyua mnơ̆ng ngă.

Hlăm anăn mâo să Măng Ri mâo ênoh djiê lu hĭn hŏng giăm 20.200 nphŭn. Êngao anăn ti 2 să Măng Ri leh anăn Đăk Sao mâo êbeh 650 ana sâm djiê kyua hjan pliêr. Hlue si klei ksiêm dlăng, klei mnơ̆ng ngă lu hlăm ana sâm Ngọc Linh hlăm sang mjut mjing mjeh.  Mâo ênhă ana sâm Ngọc Linh mâo mnơ̆ng ngă truh 30%. Knơ̆ng bruă pla mjing leh anăn răng mgang mnơ̆ng pla mjing čar Kon Tum ăt mâo leh klei hưn brei mnuih ƀuôn sang răng čiăng mâo hdră gang mkhư̆./.

H’ Zawut pô mblang