VOV4.Êđê- Leh tlâo thŭn hluê ngă hdră bi mguôp mkra mjing leh anăn ba čhĭ boh mnga bruă lŏ hma hluê si hdră mtrŭn mrô 98 mơ̆ng knŭk kna kơ hdră êlan mtrŭt mđĭ klei bi mguôp hlăm bruă mkra mjing leh anăn ba čhĭ mnơ̆ng dhơ̆ng, Lâm Đồng ƀrư̆ ƀrư̆ dưi mđĭ ênoh mkra mjing hlăm sa ênhă lăn ngă bruă. Klă klơ̆ng, Lâm Đồng dưi mkŏ mjing leh anăn mđĭ kyar 180 klei bi mguôp hŏng giăm 16.000 gŏ sang pla mjing leh anăn 2.445 gŏ sang rông mnơ̆ng.

Dŭm klei bi mguôp anei dôk dưi ngă hlăm ênhă 30.200 ha pla mjing ana kyâo dŭm mta, hnơ̆ng boh mnga mâo giăm 400 êbâo tôn, leh anăn êmô kbao, ŭn mnŭ êbeh 850.500 drei, hnơ̆ng mâo 126.560 tôn. Ênoh mkra mjing hlăm klei bi mguôp thŭn 2021 mâo 14 êbâo 378 êklai prăk, mâo 20% hlăm kluôm ênoh klei ngă bruă lŏ hma hlăm čar. Mĭn tĭng truh ti thŭn 2023, Lâm Đồng mâo 200 klei bi mguôp mkra mjing leh anăn ba čhĭ boh mnga bruă lŏ hma, hŏng 30% hnơ̆ng boh mnga bruă lŏ hma phŭn dưi ba čhĭ hŏng klei kuôl kă.

Pô mblang: Y-Ƀel Êban