Êlâo anăn, ti alŭ 5 să Lộc Quảng hđăp, ară anei jing ƀuôn hgŭm Bảo Lâm 1, čar Lâm Đồng mâo sa êpul ŭn mơ̆ng sa gŏ sang djiê, êpul ŭn anei amâo čiăng ƀơ̆ng mnơ̆ng. Anôk bruă djŏ tuôm mơ̆ng alŭ wăl dôk mjêč ksiêm dlăng bi mklă êpul ŭn anei djŏ kman ruă tian ô̆ eh kyua anăn dưi ba čuh dơr djŏ hŏng klei kčah mtrŭn gang mkhư̆ klei ruă.

Lâm Đồng ară anei mâo êbeh 1 êklăk 300 êbâo drei ŭn. Čiăng rơ̆ng kjăp hdră gang mkhư̆ klei ŭn ruă tian ô̆ eh, anôk bruă sang čư̆ êa čar Lâm Đồng mtă kơ dŭm knơ̆ng, dhar bruă djŏ tuôm lehanăn anôk bruă sang čư̆ êa ƀuôn hgŭm pral pŏk hdră msir tŭ dưn gang mkhư̆ klei ruă, ba yua jih klei găl mâo čiăng mkhư̆ klei ruă anei đĭ lar. Adŭ bruă hlăm anôk bruă sang čư̆ êa čar Lâm Đồng lač klă: Khua anôk bruă sang čư̆ êa dŭm ƀuôn hgŭm tŭ đua klam tơdah amâo mđing, kƀah klei đua klam hlăm hdră kiă kriê lui bluh đĭ klei ŭn ruă tian ô̆ eh ti lu anôk, ba lu klei luič liê./.