Boh phŭn mrâo čiăng hlue ngă hdră OCOP tŭ dưn leh anăn kjăp, anei jing boh phŭn Klei bi kƀĭn hâo hưn hdră grăp să sa mta mnơ̆ng (OCOP) truh kơ bruă đảng, bruă sang čư̆ êa, êpul hgŭm, bi ala kơ anôk bruă duh mkra, êpul hgŭm bruă, êpul bi hgŭm, leh anăn gŏ êsei mkra mjing ti čar Dak Lak mkŏ mjing (19/9).

Kluôm čar Dak Lak ară anei mâo 240 mnơ̆ng dhơ̆ng OCOP mâo mơ̆ng 3-4 mtŭ. Dŭm mta mnơ̆ng dhơ̆ng mâo klei găl čiăng mđĭ hnơ̆ng jăk djăp 5 hnơ̆ng čuăn 5 mtŭ (gưl ala čar) hlăm anôk ba čhĭ dlông rŏng lăn msĕ si kphê, ca cao, măk ka. Nguyễn Hoài Dương, Khua Knơ̆ng bruă lŏ hma leh anăn Mđĭ kyar krĭng ƀuôn sang čar Dak Lak, brei thâo, anei jing gưl čiăng kơ bruă đảng, bruă sang čư̆ êa, êpul hgŭm, bi ala kơ anôk bruă duh mkra, êpul hgŭm bruă leh anăn gŏ êsei mkra mjing ti čar thâo kơ boh phŭn mrâo, hlue ngă hdră OCOP tŭ dưn leh anăn kjăp.