VOV4.Êđê - Ƀri wưng bi hdơr 92 thŭn hruê mkŏ mjing Êpul hgŭm ƀĭng ngă lŏ hma Việt Nam, hruê mbruê 14/10, ti Hà Nội mkŏ mjing leh knăm pah mni leh anăn mđup brei klei pah mni Ƀĭng ngă lŏ hma kdlưn hĭn Việt Nam thŭn 2022, mâo 100 čô ƀĭng ngă lŏ hma dưi pah mni hlăm thŭn anei hrô kơ 63 čô msĕ hŏng grăp thŭn. Anei jing bruă ngă klă klơ̆ng tŭ drông klei bi hdơr 10 thŭn Hdră hing ang ƀĭng ngă lŏ hma Việt Nam. Phung mâo klei pah mni anei jing phung mâo klei bi hmô ƀĭng ngă lŏ hma mbruă hlăm klei mđĭ kyar bruă duh mkra, jhŏng mĭn, jhŏng ngă, dưn yua mâo boh tŭ dưn dŭm ai dưi ngăn prăk, mnuih mă bruă, lăn ngă bruă, jhŏng dưn yua klei kreh knhâo mrâo mrang hlăm klei ngă bruă, bi ala kơ dŭm êklăk čô ƀĭng ngă lŏ hma hruê mlan dôk mkra mjing, mnia mblei, nao êlâo hlăm bruă mđĭ kyar bruă duh mkra mơ̆ng bruă lŏ hma, krĭng ƀuôn sang leh anăn mkŏ mkra krĭng ƀuôn sang mrâo.

VOV TâyNguyên/Pô mblang: Y-Ƀel Êban