VOV4.Êđê - Phŭn bruă lŏ hma leh anăn mđĭ kyar krĭng ƀuôn sang mrâo mâo hră mơĭt kơ phŭn bruă ngăn prăk kơ boh sĭt klei yua hbâo pruê thŭn 2021, đăo knăl klei blei ba yua hlăm ala čar thŭn 2022. Hluê anăn, Phŭn bruă lŏ hma leh anăn mđĭ kyar krĭng ƀuôn sang mñă kơ phŭn bruă ngăn prăk ksiêm duah, bi klă hdră mă prăk jia mnia mblei hŏng dŭm mta hbâo pruê urê, hbâo DAP, MAP leh anăn bi mguôp hŏng dŭm phŭn, dhar bruă čiăng mâo hdră ksiêm dlăng klei mnia mblei hbâo pruê urê, DAP, MAP čiăng rơ̆ng mkăp brei hlăm ala čar wưng kƀah hin msĕ ară anei, ênoh hbâo pruê tar rŏng lăn leh anăn hlăm ala čar đĭ nao dơ̆ng, dleh dưi ksiêm dlăng, hmăi amâo mâo jăk truh klei ngă bruă lŏ hma, klei bi kpưn mơ̆ng dŭm mta mnơ̆ng dhơ̆ng bruă lŏ hma leh anăn klei hdĭp mnuih ƀuôn sang, boh nĭk hlăm wưng dleh dlan kyua klei truh yan adiê, klei ruă tưp. Hlăm hruê mmông kơ anăp, anôk mnia mblei hbâo pruê ăt dôk dleh dưi ksiêm dlăng, dleh dưi đăo knăl kơ ênoh leh anăn anôk mkăp brei.

Y-Ƀel pô mblang