VOV4.Êđê- Aguah hruê 17/6, Phŭn bruă Lŏ hma mđĭ kyar krĭng ƀuôn sang mkŏ mjing leh knăm “Pŏk hdră kdrăp hâo hưn lehanăn anôk bruă mrô hlăm hdră bruă rông mnơ̆ng”. Anei jing sa hlăm 2 bruă êngao kơ bruă pla mjing mâo Phŭn bruă Lŏ hma mđĭ kyar krĭng ƀuôn sang ruah čiăng mjing boh kdrŭt hlăm hdră mlih mrô thŭn 2022. Hlăm wưng êgao, Knơ̆ng bruă rông mnơ̆ng, Phŭn bruă Lŏ hma mđĭ kyar krĭng ƀuôn sang bi hgŭm leh hŏng Êpul group dăng kông, hâo hưn êlan kbưi Việt Nam mkra, pŏk ngă hdră ba yua phần mềm čiăng hrui mƀĭn, kriê dlăng, hưn mdah, mjing mrô hlăm bruă rông mnơ̆ng hŏng hlăm brô 60 brua klam. Kdrăp mrô bruă rông mnơ̆ng jing tur knơ̆ng yuôm bhăn kñăm mđĭ klei thâo kriê dlăng mơ̆ng anôk bruă knŭk kna, mđĭ kyar bruă rông mnơ̆ng hluê djŏ hdră tă, thâo klă klei čiăng mơ̆ng wăl anôk blei mnia. Mbĭt anăn, ksiêm dlăng kjăp hnơ̆ng tŭ jăk, klei doh êƀăt mnơ̆ng dhơ̆ng hlăm bruă rông mnơ̆ng kñăm mđĭ klei tŭ yuôm, ai bi ktưn mơ̆ng mnơ̆ng dhơ̆ng bruă rông mnơ̆ng Việt Nam./.

                                                    Pô mblang: H’Nêč Êñuôl