VOV4.Êđê -   Hluê ngă hdră êlan kơ mnơ̆ng dhơ̆ng bruă tuh tua mkra mjing wưng thŭn 2011-2015 leh anăn truh thŭn 2020, bruă tuh tia mnia blei Dak Lak bi hgŭm leh hŏng bruă lŏ hma ngă klei ksiêm dlăng mbha leh anăn lač kơ klei dưi bi ktưn mơ̆ng mnơ̆ng dhơ̆ng tuh tia mkra mjing, hlăm anăn mđing kơ mnơ̆ng dhơ̆ng mkra mjing boh mnga lŏ hma. Mbĭt anăn kčĕ kơ Knơ̆ng bruă sang čư̆ êa čar Dak Lak mâo anăn dŭm mta mnơ̆ng dhơ̆ng tuh tia mkra mjing krĭng ƀuôn sang êdah kdlưn, mnơ̆ng dhơ̆ng tuh tia phŭn, mkŏ mjing hdră bi hgŭm dŭm mta mnơ̆ng dhơ̆ng msĕ si: Kphê, boh ƀơr, mak ka, tiu. Truh ară anei, kluôm čar mkŏ mjing leh 114 hdră bi hgŭm pla - mkra mjing leh anăn ba čhĭ boh mnga lŏ hma leh anăn 35 mnơ̆ng dưi tŭ yap jing mnơ̆ng hlăm hdră grăp să sa mta mnơ̆ng.

H Zawut pô mblang