VOV4.Êđê - Ti anăp klei bi mlih amâo mâo jăk mơ̆ng yan adiê, phung ngă lŏ hma hlăm čar Daknông čŏng mâo leh hdră bi mlih bruă pla mjing, mlih mjeh mnơ̆ng pla, đru hlăm bruă duh mkra pla mjing bi hơĭt, ba wĭt klei tŭ dưn prŏng hĭn. Nguyễn Thiện Chân, k’iăng khua anôk bruă lŏ hma čar, jih jang ênhă pla mjing mâo bi mlih lu ti dŭm kdriêk hlăk dôk găn hlăm klei kƀah êa, msĕ si Tuy Đức; Čư̆ Jŭt, Krông Knô, Dakmil. Hlăm dŭm kdrăn lŏ dôk hlăm klei bi mlih, phung pla mjing mâo anôk bruă lŏ hma đru hdră dlăng kriê wiê ênăk djŏ guôp. jih jang lăn mâo klei bi mlih hlăm bruă pla mjing mâo ba wĭt leh boh mnga jăk. Ară anei, knơ̆ng bruă lŏ hma hlăk kčĕ kơ knơ̆ng bruă sang čư̆ êa čar mtrŭn hdră lehanăn phung bi mlih bruă pla mjing hlăm lăn lŏ wưng thŭn 2021 – 2025, lehanăn tă hdră mă bruă truh thŭn 2030./.

Y Khem pô mblang