Ba wĭt hră mơar knuă druh “Nao đru bi blah ti Kwar Dhŭng” hlăm anôk rang mdah “Bi êrâo krĭng lăn Bazan”
Thứ bảy, 00:00, 19/04/2025
Pô mblang: H’ Zawut Byă
Pô mblang: H’ Zawut Byă
VOV4.Êđê – Ti ƀuôn prŏng Pleiku, Knơ̆ng bruă kriê dlăng bruă knuă čar Gia Lai bi hgŭm hŏng Anôk bruă kriê pioh ala čar II mkŏ mjing Knăm ba wĭt hră mơar phung knuă druh Nao đru bi blah ti Kwar Dhŭng leh anăn mphŭn pŏk klei rang mdah hră mơar kriê pioh hŏng akŏ “50 thŭn êngiê, hluh liê lăn čar: Bi êrâo krĭng lăn Bazan”.
Hlăm ai êwa kdrưh kơăm leh anăn mgei ai tiê, 11 čô knuă druh nao bi blah ti kwar Dhŭng leh anăn găp djuê 22 čô knuă druh mkăn lŏ mă leh hră mơar dưi kriê pioh hlăm êbeh 50 thŭn.
Leh knăm mđup brei hră mơar, čar Gia Lai mphŭn pŏk klei rang mdah “Bi êrâo krĭng lăn Bazan”, lŏ bi êdah klei bi blah leh anăn mkŏ mjing mơ̆ng êpul lĭng kahan Gia Lai – mơ̆ng leh Klei kuôl kă Giơ-ne-vơ thŭn 1954 truh wưng lăn čar hluh lir, leh anăn knhuang bi mlih ktang hlăm klei mđĭ kyar hruê anei. Klei rang mdah dưi mbha jing 2 kdrêč “Găn ênuk bi blah” leh anăn “Gĭr ktưn ti krah dap kngư”, hưn mdah dŭm êtuh hră mơar, rup yuôm bhăn kơ hdră 50 thŭn mtlaih êngiê Gia Lai (17/3/1975) leh anăn 50 thŭn mtlaih êngiê kwar Dhŭng (30/4/1975) hluh lir lăn čar.
Viết bình luận