Dua pluh thŭn leh êgao, bruă dhar kreh čing čhar mâo kriê pioh, lŏ kơrŭ wĭt bruă hlue knhuah đưm, mkŏ mjing dŭm êpul tông čing, pŏk dŭm boh adŭ mtô bi hriăm kơ phung hđeh, hưn mdah kơ knhuah gru pô hŏng tač êngao, nao mđrĭng hŏng bruă kriê pioh lehanăn mđĭ bi lar bruă hiu čhưn ênguê dhar kreh.

Hjăn čar Daklak hlăm 20 thŭn êgao mâo mkăp leh 214 rĭng čing, lehanăn êbeh 1.140 bộ kdrăp čŭt hơô mơ̆ng djuê ana pô, mkŏ mjing truh 26 boh adŭ mjuăt bi hriăm kdrăp pĕ tông, kưh muiñ, kdŏ, lehanăn lŏ bi kơrŭ bruă tông čing čhar  Ê Đê, M’nông; mđup brei klei pah mni anăk knăl kơ pô mbruă hŏng 45 čô. Tui si Đào Mỹ, K’iăng khua knơ̆ng bruă sang čư̆ êa čar Daklak, mơ̆ng knăm anei čar čih pioh leh lu klei blŭ, klei mĭn jing yuôm bhăn kơ bruă kriê pioh, lehanăn mđĭ bi lar knhuah gru čing čhar./.