Truh wưng anei mâo leh êbeh 500 sang čhĭ kphê ti alŭ wăl čih anăn brei mnăm kphê amâo mă prăk ƀiă êdi hlăm 1 hruê 10/3 hŏng hlăm brô 200 êbâo kčŏk kphê amâo mă prăk. Mbĭt anăn, hlăm dŭm hruê mkŏ mjing Knăm mơak (mơ̆ng hruê 9 - 13/3), srăng mâo dŭm pluh anôk ti ƀuôn prŏng Ƀuôn Ama Thuôt brei mnăm kphê amâo mă prăk msĕ si Sang mnia mnơ̆ng dhơ̆ng lŏ hma, mnơ̆ng dhơ̆ng OCOP ƀuôn prŏng Ƀuôn Ama Thuôt, êlan Tôn Đức Thắng, ƀuôn hgŭm Tân Lợi; Êlan dlăng hră - kphê Ƀuôn Ama Thuôt mrô 2, êlan Phan Chu Trinh, ƀuôn hgŭm Thành Công; êlan Phan Đình Giót leh anăn Wăl tač 10/3…

Kơ bruă mkŏ mjing brei mnăm kphê amâo mă prăk amâo djŏ knŏng đru kơ phung tue mnăm kčŏk kphê jăk ôh ƀiădah lŏ mđĭ ênoh yuôm anăn knăl Kphê Ƀuôn Ama Thuôt hlăm dlông rŏng lăn.