Ti ƀuôn prŏng Pleiku, Êpul bruă hiu čhưn ênguê čar Gia Lai mrâo mkŏ mjing klei kƀĭn trông “Bi mni kơ dhar kreh mnuih djuê ƀiă - hrăm mbĭt hŏng bruă hiu čhưn ênguê đĭ kyar”, hŏng klei nao hgŭm mơ̆ng pô bi ala anôk bruă hiu čhưn ênguê ala čar Việt Nam leh anăn lu anôk bruă hiu čhưn ênguê hlăm leh anăn êngao čar. 

Phung bi ala bi trông, kah mbha lu hdră êlan čiăng mđĭ kyar bruă hiu čhưn ênguê bi mguôp hŏng bruă hiu čhưn ênguê yang ƀuôn. Lu klei blŭ bi lač čar Gia Lai čiăng mkŏ mjing hdră êlan hâo hưn wưng sui, bi klă anăn knăl hiu čhưn ênguê phŭn hŏng dŭm gru hmô msĕ si čing čhar, klei khan, sang rong. Boh nik, čiăng jao bruă klam phŭn kơ mnuih djuê ƀiă, đru kơ diñu čŏng yăl dliê kơ knhuah gru dhar kreh pô hŏng rup, video, đru bi lar dhar kreh Gia Lai hŏng klei mbruă, hơĭt kjăp.