Giăm 100 čô bi lông waih mran čông hŏng kyâo hlăm ênao êa čŏng mâo prŏng hĭn Lăn Dap Kngư
Thứ năm, 14:31, 13/03/2025
Pô mblang H'Zawut Ƀuôn Yă / VOV Tây Nguyên
Pô mblang H'Zawut Ƀuôn Yă / VOV Tây Nguyên
VOV4.Êđê- Aguah 12/3, ti ênao Lăk, wăl krah Liên Sơn, kdriêk Lăk, čar Dak Lak, mkŏ mjing leh Klei bi lông waih mran čông hŏng kyâo kdriêk Lăk tal 4 thŭn 2025.
Hdră anei hlăm dŭm bruă ngă Knăm mơak kphê tal 9, kkuh drông 50 thŭn mtlaih êngiê Ƀuôn Ama Thuôt leh anăn 120 thŭn mkŏ mjing čar Dak Lak. Klei bi lông mâo 100 čô waih mran, hlăm 16 êpul bi lông, mơ̆ng wăl krah Liên Sơn, dŭm să Đắk Liêng, Bông Krang, Yang Tao (kdriêk Lăk) leh anăn Knơ̆ng bruă hiu čhưn ênguê Lắk Tedcam. Phung bi lông waih mran hlăm klei bi lông êpul 2, 3 leh anăn 4 čô.
Boh tŭ knhal tuč, êpul bi lông mrô 10 wăl krah Liên Sơn mâo klei dưi hlăm jih 3 boh phŭn. Klei bi lông waih mran čông hŏng kyâo jing klei jăk siam dhar kreh mnuih Mnông leh anăn djuê ana mkăn ngă bruă trah mă kan hlăm êa krông Krông Ana leh anăn ênao Lăk ti kdriêk Lăk.
Viết bình luận