Ƀri bi hdơr 77 thŭn Hruê kahan êka êkeh – djiê êngiă, mmăt 5/8, ti Sang kdŏ mmuñ prŏng Hà Nội, Êpul đru kơ gŏ sang kahan djiê êngă Việt Nam, Sang mđung rup kdrăp mrâo VTC, Hră klei mrâo Mnuih ngă bruă lehanăn yang ƀuôn (Phŭn bruă Mnuih ngă bruă, kahan êka êkeh lehanăn yang ƀuôn) bi hgŭm hŏng Anôk bruă mguôp hnư Mđĭ kyar bruă hâo hưn, dhar kreh Việt Nam lehanăn dŭm êpul djŏ tuôm mkŏ mjing Hdră mjĕ mjuk kdŏ mmuñ “Hdĭp nanao hŏng lăn êa”.

Hdră mjĕ mjuk kdŏ mmuñ Hdĭp nanao hŏng lăn êa dưi mkŏ mjing kñăm lŏ čuê nanao klei bhiăn “Mnăm êa hdơr kơ hnoh”, “Hdơr knga tla ai” mơ̆ng djuê ana Việt Nam, mbĭt anăn iêu mthưr dŭm gưl, dhar bruă, dŭm êpul bruă kđi čar – ala ƀuôn, anôk bruă duh mkra, mnuih hlăm kluôm ala mđing hĭn kơ phung Amĭ Việt Nam jhŏng ktang, phung kahan jhŏng ktang djiê êngiă, gŏ sang knŭk kna dlăng ba, mnuih mâo bruă tŭ dưn hŏng cach mạng. Mơ̆ng anăn, mjuăt bi hriăm knhuah gru cách mạng, klei khăp kơ ala čar, klei ktưn hưn djuê ana lehanăn mđĭ klei đua klam kơ ênuk gưl hđeh hruê anei lehanăn êdei anăp kơ knhuah gru “Mnăm êa hdơr kơ hnoh” mơ̆ng djuê ana Việt Nam./.