Hlăm 4 hruê mdei knăm bi hdơr mkŏ mjing ala čar thŭn anei (30/8 – 02/9/2025), čar DakLak drông leh giăm 100.000 čô tuê hiu čhưn, hŏng hlăm brô 44.000 čô dôk đih đăm, mdei săn, hlăm anăn mâo 1.000 čô tuê ala tač êngao.  Hnư hrui wĭt mơ̆ng bruă hiu čhưn mâo 160 êklai prăk.

Kah knar hnơ̆ng mâo adŭ dôk hlăm kluôm čar mâo 55%, ti dŭm anôk đih đăm, mdei săn, homestay ti krĭng êa ksĭ mâo mơ̆ng 80 - 100%, ênoh hrui mâo mơ̆ng hdră đih đăm mâo êbeh 28,5 êklai prăk. Trần Hồng Tiến, Khua knơ̆ng bruă Dhar kreh, mjuăt ktang asei mlei, hiu čhưn Dak Lak brei thâo, hlăm wưng mdei, čar mkŏ mjing leh lu hdră dhar kreh, kdŏ mmuñ, mjuăt ktang asei mlei čiăng mjing gru kruăk, jak iêu tuê hiu čhưn ênguê./.