Knăm bi hdơr hrue mkŏ mjing lăn čar thŭn anei mâo mdei sui hlăm 4 hrue, adiê siam, êđăp jing klei găl kơ tue hiu čhưn truh kơ Khánh Hòa hiu čhưn lehanăn mdei msăn. Tui si knơ̆ng bruă dhar kreh, mjuăt asei mlei lehanăn hiu čhưn ênguê čar, kluôm čar mâo drông leh giăm 908 êbâo gưl čô tue, đĭ hĭn êbeh 10% mkă hŏng wưng anei thŭn dih.

Hlăm ênoh phung tue truh kơ Khánh Hòa, êbeh 1/4 hlŏng đăm mlam, tue mơ̆ng ala tač êngao đĭ hĭn êbeh mkrah mkă hŏng thŭn dih. Adŭ ba yua sang jưh giăm 80%. Hŏng ênoh mâo ba wĭt 1.000 êklai prăk mơ̆ng bruă hiu čhưn ênguê, đĭ êbeh 25% mkă hŏng thŭn dih, Khánh Hòa lŏ bi klă bruă hiu čhưn ênguê dưi iêo jak truh hlăm dŭm boh plao ksĭ jing anôk hiu čhưn jăk hĭn hlăm kluôm ala, jing leh klei djă pioh nanao hlăm ai tiê phung tue hiu čhưn. Anei jing klei bi knăl jăk kơ bruă mđĭ kyar hiu čhưn ênguê ti Khánh Hòa – Ninh Thuận leh mâo bi mŭt mbĭt./.