Aguah 21/8,  Phŭn bruă dhar kreh, mjuăt asei mlei leh anăn Hiu čhưn ênguê mkŏ mjing leh klei bi kƀĭn mprăp kơ knăm mphŭn pŏk, mjưh ruĕ Klei rang mdah “80 thŭn hdră kơ klei hnŭk êngiê- jăk mơak” ƀri gưl bi hdơr 80 thŭn krŭ kdơ̆ng mlan 8 tŭ jing leh anăn Mphŭn mkŏ mjing ala čar 2/9.

Knăm mphŭn pŏk Klei rang mdah “80 thŭn hdră kơ klei hnŭk êngiê- jăk mơak” srăng mphŭn mơ̆ng 9h hruê 28/8; mjưh ruê̆ srăng mkŏ mjing hlăk 8 mmông mmăt hruê 5/9. Knăm mphŭn pŏk leh anăn Knăm mjưh ruĕ dưi mkŏ mjing ti knưl ti tač, tač nah Dưr, Anôk rang mdah Mnơ̆ng dhơ̆ng Việt Nam. Jih jang hdră mơ̆ng 2 knăm mơak srăng đưi mđung asăp leh anăn mđung rup ti mmông anăn mtam hŏng mnuih ƀuôn sang kluôm ala hlăm Hdră mđung mơ̆ng Sang asăp blŭ Việt Nam leh anăn Sang mđung rup Việt Nam. 2.400 čô êdam êra ăt srăng đưi ba nao bi hgŭm hlăm bruă mtô lač, hâo hưn, đru kơ mnuih ƀuôn sang leh anăn phung tue hiu čhưn dlăng. Mĭn tĭng srăng mâo hlăm brô 5000-6000 čô bi ala  nao hlăm knăm mphŭn pŏk, bi ruĕ.