Knăm anei jing sa klei bhiăn lač jăk kơ lăn adiê, lač jăk kơ phung yang lehanăn aê aduôn atâo atiêt brei leh adiê jăk êa hlĭm hjan, lăn čar êđăp ênang, yan ngă bruă djŏ boh mnga. Knăm anei mâo Đội tế Nam quan hluê ngă si klei bhiăn djuê ana mơ̆ng đưm, myơr mnơ̆ng ngă yang lehanăn hưn mthâo bruă mă hŏng phung yang lehanăn aê aduôn atâo atiêt.

Phung bi ala lehanăn mnuih ƀuôn sang ba čuh myơr brui mngưi, bi êdah klei lač jăk, akâo kơ adiê jăk êa hlĭm hjan, klei hdĭp hơĭt ênang, lăn čar êđăp ênang, đĭ kyar. Hluê si Võ Thị Phượng, Khua Sang kriê pioh kdrăp mnơ̆ng Dak Lak, hdră anei amâo djŏ knŏng čiăng kriê pioh, mđĭ lar dŭm boh tŭ yuôm dhar kreh djuê ana, ƀiădah lŏ čiăng hưn mthâo, hâo mdah knhuah gru hƀuê ênuk mguôp hŏng hdră mđĭ kyar bruă hiu čhưn ênguê dhar kreh ai tiê klei mĭn ti alŭ wăl./.