Tui si klei leh bi tŭ ư, dŭm anôk bruă klei mrâo mâo leh klei ƀuăn hâo hưn kơ boh tŭ dưn bruă mđĭ kyar duh mkra ala ƀuôn, bruă răng mgang klei êđăp ênang, dŭm hdră êlan prŏng mơ̆ng Đảng, Knŭk kna lehanăn mơ̆ng čar, hdră mtrŭn mơ̆ng klei bi kƀĭn prŏng Đảng čar Lâm Đồng gưl tal I, wưng păn bruă 2025–2030; hdră mtrŭn klei bi kƀĭn prŏng Đảng 14; bruă mprăp kơ klei ruah khua bruă kƀĭn ala gưl 16, lehanăn Êpul gơ̆ng bruă ƀuôn sang dŭm gưl wưng păn bruă 2026–2031; mbĭt hŏng dŭm hdră êlan mơ̆ng gưl dlông kơ bruă kreh knhâo – kdrăp mrâo, klei bi mlih mrô, lehanăn klei ñu kma hŏng tač êngao.

Blŭ hrăm ti anôk bi kƀĭn Nguyễn Văn Lộc, Khua knơ̆ng bruă dhar kreh, bruă mjuăt asei mlei lehanăn hiu čhưn ênguê čar Lâm Đồng lač, čar srăng mjing djăp klei găl kơ dŭm anôk bruă klei mrâo tŭ mă klei hâo hưn, klei ngă bruă pô, lehanăn mjing kdrông jăk mtrŭt mjhar dŭm boh knơ̆ng dhar bruă lehanăn alŭ wăl hlue ngă kjăp klei hâo hưn./.