Hlăm 1 mlan êgao, čar Lâm Đồng mkŏ mjing leh 9 hdră bruă gưl čar lehanăn giăm 50 hdră bruă mđing truh ti dŭm să, ƀuôn hgŭm. Dŭm hdră dhar kreh, kdŏ mmuñ, mjuăt ktang asei mlei lehanăn hiu čhưn ênguê dưi mkŏ mjing lu hlăm Mlan anei mjing leh ai êwa jăk, jak iêu êbeh 1,8 êklăk čô tuê hiu čhưn, hlăm anăn mâo hlăm brô 75.000 čô tuê ala tač êngao hriê čhưn.

Đinh Văn Tuấn, kơiăng khua Knơ̆ng bruă sang čư̆ êa čar Lâm Đồng bi mklă, Mlan tui ksiêm anei amâo djŏ knŏng jing hdră hiu čhưn ênguê jăk jĭn, ƀiădah lŏ jing klei găl čiăng mđĭ lar dŭm boh tŭ yuôm dhar kreh jăk siam mơ̆ng čar Lâm Đồng leh hdră bi mŭt mbĭt, pral kdal, jĕ giăm./.